A actualización permitirá adaptar o documento á nova normativa, mellorar procedementos operativos e reforzar a coordinación entre administracións
Santiago de Compostela, 15 de decembro de 2025. A conselleira do Mar, Marta Villaverde, presidiu hoxe a constitución da Comisión de Revisión do Plan Territorial de Continxencias por Contaminación Mariña Accidental de Galicia (Plan Camgal), órgano previsto no artigo 6 do Decreto 135/2016 para garantir a actualización periódica deste instrumento esencial de protección ambiental e resposta ante posibles emerxencias no litoral galego.
Marta Villaverde subliñou que esta revisión é “un paso necesario para asegurar que Galicia segue contando cun plan áxil, actualizado e plenamente operativo fronte a calquera episodio de contaminación mariña accidental”. Nesta liña, destacou que Galicia conta cun dos litorais máis extensos e sensibles de Europa, cunha intensa actividade marítimo-pesqueira e zonas protexidas de alto valor ambiental, polo que “a capacidade de resposta fronte á contaminación mariña accidental é estratéxica para a comunidade”.
O Plan Camgal defínese como o instrumento autonómico de resposta ante continxencias no mar e integra os criterios do Sistema Nacional de Resposta ante Contaminación Mariña, garantindo coherencia e coordinación co Estado. A súa vixencia é de cinco anos, polo que debía iniciar o seu proceso de renovación antes da súa expiración en 2026.
A Comisión de Revisión comeza agora os traballos de análise do texto vixente para incorporar a actualización normativa e dos medios dispoñibles, melloras operativas e a optimización dos subsistemas de resposta. Corresponderá ao equipo técnico da Unidade de Documentación e Apoio Científico (UDAC) do Instituto Tecnolóxico para o Control do Medio Mariño ser o responsable de coordinar a redacción do novo texto, que posteriormente será elevado á dirección do Plan e, finalmente, á presidenta para a súa aprobación polo Consello da Xunta.
O proceso de revisión estenderase ao longo de 2026, dada a necesidade de actualización integral do documento e aos trocos estruturais recentes noutras consellerías implicadas.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
