Tras tres tempadas e media, o técnico santiagués decide ceder o seu posto por motivos persoais, sendo o encontro ante o UA Ceutí o seu último partido co conxunto laranxa.
Burela, 21 de decembro, 2025. David Rial chegou ao Pescados Rubén Burela na tempada 22/23, con tan só 31 anos. O adestrador compostelán viña de dirixir ao Santiago Futsal en Segunda División entre 2019 e 2021, despois de exercer como segundo adestrador na campaña 18/19. Formado desde neno no histórico club santiagués, Rial pasou por todas as categorías da súa canteira e tamén foi seleccionador galego U19.
Aterrizou en Burela no verán de 2022, moi novo e cheo de ilusión. Na súa primeira tempada loitou polo ascenso a Primeira División, quedándose ás portas no último segundo ante o Alzira nos playoff. Na segunda campaña logrou o obxectivo, de novo a través dunha eliminatoria de ascenso. Xa no seu terceiro ano, co equipo en Primeira e co plantel máis humilde da categoría, non puido manter a permanencia por golaverage, malia non pisar en ningún momento os postos de descenso.
O esforzo dun grupo tan novo e reducido, unido á mala sorte no tramo final, supuxo un golpe duro para todos. A pesar diso, e da incerteza que atravesaba o club, David decidiu continuar a bordo nesta tempada 25/26, construíndo un equipo case desde cero. Gustaríanos que rematase o curso connosco, pero respectamos plenamente a súa decisión.
“O paso de David polo noso club deixa unha fonda pegada, tanto dentro da entidade como no propio pobo de Burela, onde é moi querido. Agradecémoslle a súa seriedade, profesionalidade, alegría diaria, vitalidade e paixón polo fútbol sala”.
“Desde o club desexámoslle o mellor na súa vida e na súa carreira, que estamos seguros de que seguirá sendo brillante e chea de éxitos”.
“David, Burela sempre será a túa casa”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
