Burela, 1 de decembro, 2025. O domingo 30 de novembro tivo lugar a sétima e derradeira etapa da sexta edición do “Camiño Gastronómico do Mar”, que percorreu os concellos de Valdoviño, Narón e Neda, completando así os 15 concellos do norte de Galicia polos que pasa o “Camiño do Mar”.
O “Camiño Gastronómico do Mar” está organizado pola Organización de Produtores Pesqueiros do Porto de Burela e a Asociación Amigos do Camiño do Mar Peregrinación a Santiago de Compostela, unha iniciativa gastronómica que mantén o dobre obxectivo co que se lanzou hai xa cinco anos: fomentar o consumo de peixe e promocionar o “Camiño do Mar”, ruta xacobea que comunica por terra o Camiño Norte e o Camiño Inglés a Compostela.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
Nas últimas sete fins de semana 340 peregrinos participaron nas diferentes etapas que foron percorrendo os 15 concellos da costa norte de Galicia, cruzando as comarcas da Mariña Lucense e Ferrolterra: Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira, Valdoviño, Narón e Neda.
En total 102 quilómetros de paseos que pisaron lugares tan emblemáticos e coñecidos mundialmente como a praia de As Catedrais ou o santuario de San Andrés de Teixido, atravesando incomparables paraxes naturais, costeiros e fluviais, e no que tamén se aproveitou para coñecer os principais recursos patrimoniais históricos de peregrinación dos concellos polos que transita o Camiño do Mar.
Outro dos grandes obxectivos cos que se lanzou esta iniciativa gastronómica hai xa cinco anos eran fomentar o consumo de peixe e promocionar o “Peixe de Burela”. Por iso, ao final de cada etapa, ofreceuse a todos os participantes unha degustación de produtos da lonxa de Burela a cargo dos chefs da Asociación Cociñeiros Lugo, coa colaboración de Estrela Galicia, Cabreiroá e Coffee Urban Roasters.
Este ano puidéronse degustar ata 11 produtos pesqueiros distintos: pescada do pincho, cabra de altura, bertorella e maruca, da frota de palangre demersal; peixe espada e quenlla, da frota de palangre de superficie; bonito do norte da frota bonitera; ou xurelo, rape, raia e pota, das frotas de litoral do Cantábrico.
E, ademais da satisfacción de pisar camiños milenarios e saborear a gastronomía do mar, os participantes no “Camiño Gastronómico do Mar 2025” tamén puideron ir selando en cada concello a súa particular “Compostela”.
O presidente da Asociación Amigos Camiño do Mar Peregrinación a Santiago de Compostela, Manuel Vicente, asegura que se cumpriron amplamente os obxectivos marcados ao comezo da campaña: “foi un éxito e cada vez alcanza maior divulgación; este ano participaron máis de 300 peregrinos e podían ser máis, xa que en todas as etapas completáronse as prazas días antes da etapa. E en redes sociais superamos as 80.000 mil visualizacións durante este últimas sete semanas”.
Pola súa banda, desde a OPP Burela tamén confirman a boa aceptación deste peculiar formato de promoción do seu produto pesqueiro, que combina os mellores hábitos para unha vida saudable, combinando o coñecemento da nosa historia, deporte e gastronomía.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
