Burela, 30 de decembro, 2025. Macarena Cárdenas Anguita (06/02/1992, Los Villares, Jaén) é a nova incorporación do Burela FS para o que resta da tempada 25/26. A á-peche chega procedente do Chiloeches, club no que militaba desde agosto deste ano.
Cárdenas debutou en Segunda División con só 15 anos no Pub Nono’s Arjona, onde xogou entre 2006 e 2010. Posteriormente incorporouse ao Martos Fútbol Sala, equipo no que permaneceu ata 2019 e co que logrou dous ascensos á categoría de prata. Entre 2020 e 2023 formou parte do Avanza Futsal, acadando o ascenso a Primeira Andaluza. Na tempada 23/24 xogou no Desguace París La Algaida e, na 24/25, no AD Ceuta FC, co que tamén ascendeu a Primeira División.
“Xogar en Burela é un reto e unha responsabilidade”
A xogadora explica así a súa chegada ao club mariñán: “Para min xogar en Burela é un reto e unha gran responsabilidade, tanto a nivel deportivo como persoal. Ter a oportunidade de axudar a conseguir o obxectivo grupal é un privilexio. O Burela é unha insignia do futsal feminino en España, polo seu crecemento, polo seu desenvolvemento e pola igualdade de oportunidades que ofrece. Calquera amante deste deporte debería sentirse en débeda con este club”.
Macarena defínese como “unha xogadora moi traballadora”, destacando a constancia como a súa maior virtude. “Son unha xogadora de corte defensivo, con boa lectura de xogo e capacidade para incorporarme ao ataque. Fóra da pista podo aportar saber estar e veteranía ás máis novas”.
Sobre os seus obxectivos, sinala: “A nivel individual quero ser máis ofensiva e determinante; e a nivel grupal, axudar a manter o Burela en Primeira División”.
A nova xogadora quixo tamén enviar unha mensaxe á afección: “Poderán saír as cousas mellor ou peor, pero pola miña parte nunca faltarán esforzo, dedicación e traballo”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
