O BNG non asistiu a Xunta de Goberno presidida por José Tomé e esixe ao Partido Socialista a convocatoria dun pleno extraordinario para facer efectiva a súa dimisión

Lugo, 12 de decembro. O BNG non asistiu esta mañá á Xunta de Goberno da Deputación de Lugo, presidida por José Tomé malia ter anunciada a súa dimisión o pasado mércores.

O grupo provincial do BNG confirmou que non participará en órganos de goberno ata que non se concrete a dimisión e esixiu ao Partido Socialista a convocatoria dun pleno extraordinario para facela efectiva.

O vicepresidente Efrén Castro esixiu ao Partido Socialista que “oficialice a renuncia, que convoque un pleno extraordinario o antes posible, que podería ser este mesmo luns”. Demandou aos socialistas dar “pasos politicamente para non alongar un sinsentido que prexudica a todas e todos e especialmente a esta situación”

Efrén Castro reiterou nas súas declaracións o apoio ás vítimas que denunciaron nas canles internas do PSOE situacións de acoso sexual e avanzou que, de alongarse a situación, o BNG seguirá actuando en coherencia coa posicíon expresada de non compartir goberno provincial con José Tomé.