Ribadeo, 22 de decembro, 2025. A área recreativa de Santa Cruz luce xa unha imaxe renovada tras os traballos executados coa financiación da Xunta de Galicia e coa colaboración da Comunidade de Montes de Ove. O alcalde de Ribadeo, Dani Vega, destacou a importancia desta actuación nun espazo “moi ligado á tradición ribadense e moi utilizado por veciños e visitantes durante todo o ano”.
Melloras realizadas na contorna
Vega explicou que a intervención permitiu acometer actuacións de conservación e posta en valor en toda a área recreativa, entre elas:
• Desmeste e limpeza integral do espazo.
• Eliminación das tuias que estaban a causar problemas na superficie da área.
• Colocación de novas varandas de madeira.
• Renovación completa do miradoiro, incluíndo placas informativas.
• Mellora do espazo verde natural e instalación de novos bancos.
• Protección perimetral para evitar o acceso de vehículos.
• Arranxo de escaleiras e pavimentos deteriorados.
• Reforzo do muro e da estrutura do propio miradoiro.
Segundo o alcalde, o resultado é “un espazo conservado, limpo e mellorado”.
Un modelo de colaboración
O rexedor subliñou que todas as actuacións realizadas ata o momento contaron con financiamento da Xunta de Galicia, sen custo para o Concello. A Comunidade de Montes de Ove colaborou na planificación dos traballos e na elaboración das propostas remitidas polos técnicos municipais.
“A colaboración é perfecta: a Comunidade de Montes, o Concello e a Xunta, que financia. Isto dá un bo resultado”, afirmou Vega.
Próximos pasos: novo alumeado e recuperación da Casa da Ría
O alcalde avanzou que xa se está a traballar nun proxecto para renovar o alumeado de toda a área recreativa e para acometer, dunha vez por todas, a rehabilitación da Casa da Ría.
Vega insistiu en que este espazo debe recuperar o seu sentido orixinal:
• Centro de formación para alumnado.
• Espazo divulgativo sobre a ría, a súa fauna, flora e recursos hídricos.
• Observatorio astronómico.
“Queremos seguir poñendo en valor todos os elementos naturais, dende o recurso hídrico ata a biodiversidade da ría, e crear tamén un espazo para o observatorio astronómico”, explicou.
Agradecementos
O alcalde concluíu agradecendo o traballo da Comunidade de Montes de Ove, o apoio económico da Xunta e a implicación dos técnicos municipais “que sempre están a disposición de propoñer para que as administracións colaboren con nós”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
