Madrid, 15 de decembro, 2025. O PSOE acusou ao PP de rexeitar no Senado un acordo para permitir o uso gratuíto das instalacións do antigo Colexio Pedrosa Latas e de impor unha solución que, segundo os socialistas, é inviable por estar fóra da legalidade.
O Grupo Socialista explica que o PP votou en contra da súa proposta para facilitar ao Concello o uso sen custo das instalacións. Engaden que, malia que “o senador Balseiro admitiu non ter claro que permite ou non a normativa, negouse a aceptar a man tendida dos socialistas para chegar a un consenso”.
Pola contra, a moción defendida polo PP solicita unha transferencia de propiedade que, segundo o PSOE, non é legal ao tratarse dun inmoble pertencente á Seguridade Social, que conta cun réxime patrimonial propio.
Os socialistas lembran que esta negativa do PP supón “un novo rexeitamento a un acordo beneficioso para Viveiro”, ao non aceptar unha emenda que buscaba o apoio unánime da Cámara á cesión gratuíta do uso do colexio, permitindo ao Concello destinar as instalacións aos usos que considerase necesarios. Tamén desmenten a afirmación de Balseiro de que o Concello non podería realizar reparacións, asegurando que un acordo co Goberno —que, segundo indican, está disposto— permitiría facelo.
O PSOE cualifica a moción popular de “incoherente”, ao ignorar que a propiedade é da Seguridade Social, ao esquecer que o pleno municipal reclamou tamén os locais da antiga comisaría por iniciativa do propio PP, e ao omitir que a Xunta puido asumir o colexio para outros usos cando deixou de empregalo como centro educativo.
Segundo os socialistas, esta situación súmase á “longa lista de erros” que atribúen aos senadores do PP por Lugo, e consideran que a proposta popular suporía un prexuízo para os veciños de Viveiro. Engaden que os gobernos de Aznar e Rajoy tampouco realizaron a cesión que agora reclama o PP, nin o PP local ou provincial a demandaron no seu momento.
O PSOE, a través do senador mariñán César Mogo, afirma que ofrecera unha solución para garantir o uso ilimitado e sen condicións das instalacións para a veciñanza, pero que os senadores do PP a rexeitaron. Conclúe que, “como ocorre cada vez que o senador Balseiro adopta unha posición, o acordo resulta imposible”, e acusan ao PP de priorizar a exposición mediática fronte aos intereses dos veciños de Viveiro e da Mariña.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
