Mondoñedo, 15 de decembro, 2025. Mondoñedo será escenario o vindeiro sábado 20 de decembro dunha xornada dedicada ao patrimonio cultural e natural e á tradición campaneira, coa celebración dun concerto de campás en campanario móbil e a presentación oficial da Asociación Cultural Pedregás.
A programación comezará ás 12:00 horas en Alcántara, onde terá lugar a presentación da asociación. Neste primeiro acto realizarase un toque manual de campás nun campanario móbil, permitindo ao público achegarse a esta práctica tradicional. Ademais, organizarase unha visita á parte final da antiga traída de auga de Pedregás, poñendo en valor un elemento histórico de grande interese patrimonial.
Pola tarde, ás 16:30 horas, a actividade trasladarase á Praza da Catedral de Mondoñedo, onde se ofrecerá un Concerto de Campás en campanario móbil, concibido como unha proposta participativa e aberta a toda a cidadanía. Nenos e maiores poderán participar activamente no toque de campás, fomentando a transmisión interxeracional desta tradición.
Como complemento especial, realizarase unha visita guiada ás campás da Catedral Paula e Ronda, dúas pezas emblemáticas do patrimonio sonoro mindoniense.
A xornada ten como obxectivo achegar á poboación o valor cultural, histórico e social do toque manual de campás, así como dar a coñecer os fins da Asociación Cultural Pedregás na defensa e difusión do patrimonio local.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
