O pleno deixou sen resposta problemas estruturais como a calidade da auga, a apertura do centro de día e a falta de información á veciñanza sobre proxectos industriais
Xove, 22 de decembro de 2025. O Grupo Municipal Socialista de Xove alerta de que o último pleno ordinario do ano serviu para constatar, unha vez máis, a falta de iniciativa do goberno municipal do PP, nunha sesión na que se adoptaron decisións que avanzan na privatización de servizos públicos e na que quedaron sen resposta problemas estruturais que afectan ao día a día da veciñanza.
Un dos asuntos máis relevantes foi a aprobación definitiva da extinción do servizo público de Ximnasia Rítmica, que deixa de prestarse como actividade municipal para pasar a mans dunha entidade privada. O grupo socialista votou en contra ao entender que se trata de “deixar de ofrecer un servizo público para privatizalo”, unha práctica que “se está a consolidar como a liña de actuación do goberno local”.
Desde a formación lembran que xa no pleno de setembro advertiran de que o PP avanzaba nesta dirección, optando por suprimir este servizo municipal para entregalo a unha entidade privada mediante subvención directa, sen concurso público nin garantías de transparencia. “É unha forma de gobernar baseada nas decisións a dedo e afastada dunha xestión pública pensada para o interese xeral”, subliñan.
No apartado de preguntas de control ao goberno, a sesión volveu poñer de manifesto a ausencia de respostas en asuntos que levan anos pendentes. No relativo á calidade da auga, lembran que levan meses denunciando que chega ás vivendas “en condicións moi deficientes, máis parecidas ao barro ca a un servizo potable”, unha situación que se repite cando se producen choivas intensas. No pleno, o goberno limitouse novamente a ofrecer escusas “sen asumir a necesidade dunha actuación estrutural”.
O alcalde fixo referencia a medidas como o cambio de filtros ou a limpeza de depósitos, actuacións que desde o grupo socialista consideran simple mantemento. “Iso non é investir nin modernizar unha traída obsoleta, é facer o mínimo para que todo siga igual”, advirten, lembrando que non existe ningunha previsión de investimento nin nos orzamentos municipais nin nos da Xunta para 2026.
Tampouco se produciron avances na posta en marcha do centro de día, unha infraestrutura reclamada dende hai tempo polos socialistas e pola veciñanza. Segundo explican, o alcalde volveu evitar dar prazos, chegando incluso a restarlle importancia á situación das persoas maiores que se reúnen nunha marquesiña por non contar cun espazo adecuado. “É unha mostra máis da desconexión do goberno local coa realidade social do concello”, sinalan.
En relación coa charla informativa sobre a ampliación do encoro de lodos de Alcoa, o PSdeG critica que o goberno municipal considere que só afecta á parroquia de Morás e que, por tanto, só informase a esa zona. “Segundo o alcalde, os veciños de Lago, Súmoas ou Portocelo, que viven ao lado, non teñen dereito a estar informados. Esta é a maneira de gobernar do PP: dividir á veciñanza”, denuncian, lembrando as queixas recibidas por parte de veciños que non foron avisados.
Para os socialistas, o balance do último pleno do ano confirma unha forma de gobernar baseada nas escusas, na falta de acción e de propostas para mellorar Xove. “O PP remata 2025 como o comezou: sen resolver problemas, sen planificación e sen asumir responsabilidades”, indican, lembrando que esta dinámica xa se manifestou noutros asuntos recentes, como no caso da vivenda ocupada, no que o goberno local “optou polo ruído e a confrontación mediática, en lugar de aplicar a lei e traballar con seriedade para dar unha solución efectiva”.
Desde o PSdeG-PSOE de Xove conclúen que o concello pecha o ano cun goberno municipal “sen iniciativa nin proxecto de futuro”. “Xove non pode permitirse seguir perdendo tempo. Imos seguir defendendo os servizos públicos, dando voz á veciñanza e construíndo unha alternativa seria para que o municipio avance dunha vez por todas”, conclúen.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
