Viveiro, 18 de decembro, 2025. Unha vez máis, Viveiro saíu á rúa, como vén facendo cada 15 días desde o mes de maio, para defender a cobertura total do persoal facultativo, de enfermaría, técnico e administrativo no centro de saúde da vila. Desde a Plataforma Sanitaria da Mariña sinalan que se continúa cunha plantilla médica moi mermada, con numerosas ausencias sen substituír, o que fai recaer os cupos sobre o escaso persoal dispoñible, obrigado a atender un número de pacientes moi por enriba dos estándares de calidade.
Tamén explican que hai moitas persoas que non teñen asignado médico ou médica de familia, de xeito que descoñecen quen as vai atender en cada ocasión e non poden establecer unha relación terapéutica normal que permita un seguimento estable.
Cinco mil sinaturas recollidas ata agora
Nestes momentos hai arredor de cinco mil sinaturas recollidas, e a campaña continuará nos próximos días para sumar o maior número posible.
Montse Porteiro, coordinadora da Plataforma Sanitaria, quixo agradecer o traballo de todas as persoas que durante meses colaboraron día a día na recollida. Tamén expresou o agradecemento do colectivo aos comercios, bares e locais que permitiron ter nos seus establecementos os pregos de sinaturas, facilitando á cidadanía a posibilidade de participar. As grazas esténdense tamén a cada unha das persoas que, coa súa sinatura, demandan unha sanidade pública de calidade, digna e equitativa.
O rexistro e entrega das sinaturas será o 15 de xaneiro
A Plataforma Sanitaria da Mariña anunciou que a de hoxe é a última concentración que se realizará en Viveiro neste ano, e que no mes de xaneiro de 2026 haberá unha única convocatoria.
Segundo avanzou Samuel Fernández Bouza, “a concentración terá lugar o día 15 de xaneiro e nesa mesma xornada farase o rexistro e entrega das sinaturas. Haberá un cambio no lugar da concentración e tamén no formato, dos que iremos avanzando máis detalles”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
