Os deputados nacionais do PP esixirán a actualización do catálogo de postos de Garda Civil na provincia e a cobertura de 6 prazas vacantes en Burela, como xa teñen reclamado noutras ocasións
Burela, 30 de xaneiro de 2026. Os deputados nacionais do PP lucense Jaime De Olano e Francisco Conde lamentan a “incapacidade do Goberno de Sánchez para concretar as actuacións no cuartel de Burela” prometidas a finais do 2021 por un investimento de 7,7M€ para a mellora da eficiencia enerxética con fondos do Plan de Recuperación Next Generation; o que supón “outro incumprimento máis coa Mariña, con Lugo e con Galicia”.
Os populares anunciaron, tras unha reunión de traballo con membros do PP de Burela e representantes da Asociación Unificada de Gardas Civís (AUGC), a presentación de iniciativas no Congreso para “facer seguimento” da situación toda vez que “nestes catro anos non houbo noticias, a pesar das reiteradas peticións de información por parte da AUGC e de que o prazo para execución de actuacións con cargo aos fondos europeos está a finalizar”.
Os representantes do Partido Popular non se conforman con obras menores, senón que esixen a rehabilitación integral do acuartelamento burelense, tanto o interior coma o exterior, ante as deficiencias que presenta na actualidade, e atendendo ao prometido fai máis de catro anos.
Os populares esixirán, así mesmo, a actualización do catálogo de postos de Garda Civil na provincia, como teñen reivindicado en varias ocasións ante a escaseza de efectivos para cubrir os distintos servizos na provincia. No caso do cuartel de Burela, como xa teñen reclamado noutras ocasións, é necesario cubrir as 6 prazas que están vacantes.
O Grupo Popular no Congreso ten proposto tamén o recoñecemento de profesión de risco para as Forzas e Corpos de Seguridade do Estado e a aplicación dun coeficiente redutor para adiantar a idade ordinaria de xubilación. E os deputados lucenses, en particular, teñen reclamado máis medios persoais e materiais para mellorar as condicións laborais e a prestación do servizo aos cidadáns na provincia.
REGULARIZACIÓN DE INMIGRANTES
Os deputados populares tamén fixeron balance do anuncio do Goberno de PSOE e Podemos sobre a regularización de inmigrantes: “é unha cortina de fume para desviar a atención dos 46 falecidos e centos de feridos nas traxedias de Adamuz e Gelida sen que ninguén do Goberno asuma responsabilidades políticas”.
Ao respecto, lembraron que “nunca houbo en España tantas persoas en situación irregular (840.000)” e cre que se debe aplicar un plan baseado en regras claras e que aborde a realidade da inmigración irregular dende a humanidade e a xustiza empregando criterios obxectivos e ordenados.
Os populares lamentan que “o Goberno de Sánchez opte por un vía extraordinaria evitando o debate parlamentario buscando a rendibilidade política. Sánchez está empregando a vulnerabilidade de miles de persoas”. E tamén considera que esta proposta “supón un agravio comparativo para a xente que chegou a España cumprindo as normas e pode supoñer un efecto chamada poñendo en risco a vida de miles de persoas nas mans das redes de tráfico de persoas”.
ACTIVIDADE PARLAMENTARIA
O Grupo Popular vén de rexistrar no Congreso dúas iniciativas en materia migratoria dirixidas a fortalecer os instrumentos de cooperación exterior para previr a inmigración ilegal e loitar contra as mafias que trafican con seres humanos.
Os populares propoñen a revisión dos acordos internacionais, actuacións conxuntas coa UE, maior control nas fronteiras, procedementos áxiles para a tramitación de solicitudes de asilo, o reforzo da cooperación xudicial coas Forzas e Corpos de Seguridade do Estado e dos medios humanos e tecnolóxicos e cambios lexislativos para expulsar aos estranxeiros que non teñen dereito a permanecer na UE e que foran condenados por delitos graves.
Segundo lembraron, “Pedro Sánchez cualificaba de imprescindible fai un ano o retorno das persoas que chegan a España de forma ilegal”, tal e como obriga a lexislación europea e española. Nese sentido, o Goberno debe executar as ordes de expulsión de estranxeiros sen dereito a permanecer na UE.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
