Lugo, 6 de febreiro de 2026. A Deputación de Lugo aclara con rigor xurídico, base normativa e fidelidade ás resolucións xudiciais, o verdadeiro alcance das sentenzas ditadas en relación coa adquisición dunha acción de TRAGSA, fronte a interpretacións interesadas que non se corresponden coa realidade nin co contido efectivo dos pronunciamentos xudiciais do Partido Popular. “Unha vez máis mente e tenta enganar con informacións terxiversadas que non responden aos escritos xudiciais”.
O Pleno da Deputación, en sesión extraordinaria celebrada o 12 de abril de 2022, acordou ratificar ad cautelam a adquisición dunha acción de TRAGSA. coa finalidade de garantir a máxima seguridade xurídica. Este acordo plenario foi impugnado polo propio Partido Popular e o recurso foi desestimado integramente polo Xulgado do Contencioso-Administrativo nº 1 de Lugo. Este feito esencial, coñecido perfectamente por quen promoveu o recurso, está a ser omitido de maneira consciente, ao tempo que se pretende construír un relato que non se sostén xuridicamente.
A recente sentenza nº 48/2026 do Tribunal Supremo non anula nin invalida o citado acordo plenario. O seu pronunciamento limítase a resolver unha cuestión distinta e estritamente organizativa: determinar que a competencia para adoptar a decisión inicial correspondía ao Pleno da Corporación e non á Presidencia. Trátase dunha cuestión interpretativa que non estaba expresamente regulada na norma, o que deu lugar a criterios xurídicos diverxentes, como demostra o feito de que o Tribunal Superior de Xustiza de Galicia estimase inicialmente a apelación da Deputación.
Precisamente por ese motivo, a actuación da Deputación resulta plenamente coherente, prudente e validada, xa que o Pleno xa se pronunciara con anterioridade mediante a ratificación ad cautelam, anticipándose para garantir a legalidade da decisión e evitar calquera efecto invalidante.
Así mesmo, o Tribunal Supremo aborda a cuestión xurídica verdadeiramente nuclear do procedemento: se resultaba esixible a elaboración dunha memoria económico-financeira para a integración da Deputación como medio propio de TRAGSA. Sobre este extremo, nin o Tribunal Supremo, nin o Tribunal Superior de Xustiza de Galicia, nin o Xulgado do Contencioso-Administrativo nº 1 de Lugo, nin a propia Maxistrada, avalan a tese defendida polo Partido Popular, coincidindo todos eles en que non existe unha previsión normativa clara que faga esixible dita memoria neste suposto concreto. Entenden que non é necesaria a presentación da memoria polo referido tanto no artigo 85 na Lei 4/2015, de Bases de Réxime Local, nin no artigo 83.6 da Lei 40/2015, do Réxime Xurídico do Sector Público.
Cómpre subliñar, ademais, que a Sentenza do Tribunal Supremo non se pronuncia en ningún momento sobre os encargos realizados a TRAGSA, nin declara a súa nulidade, polo que resulta incorrecto e xuridicamente inexacto afirmar o contrario, como vén de facer o Partido Popular.
O balance real das actuacións xudiciais
Desde unha perspectiva obxectiva e verificable, o balance xudicial das actuacións promovidas en relación con TRAGSA é claro:
– O Partido Popular promoveu varios recursos xudiciais en relación ao encargos e á adquisición de Tragsa como medio propio. A práctica totalidade deses recursos foron desestimados, incluído o interposto contra o acordo plenario do 12 de abril de 2022, hoxe avalado por sentenza firme.
– A única estimación obtida foi parcial e limitada exclusivamente a unha cuestión competencial, sen efectos invalidantes e sen consecuencias prácticas, ao existir xa ratificación plenaria.
– En ningunha resolución xudicial se lle deu a razón ao PP nas cuestións nucleares que defendía: nin na nulidade do acordo plenario, nin na obrigatoriedade dunha memoria económico-financeira, nin na invalidez dos efectos da adquisición da acción.
Por todo o anterior, a Deputación quere deixar claro que presentar este resultado como unha vitoria xurídica plena non se corresponde coa realidade. A realidade xurídica é que a actuación da Deputación foi avalada reiteradamente polos tribunais, mentres que as pretensións principais defendidas polo Partido Popular foron rexeitadas.
A Deputación de Lugo reitera o seu compromiso co respecto escrupuloso ao ordenamento xurídico, co cumprimento das resolucións xudiciais e cunha actuación institucional rigorosa, prudente e transparente. Así mesmo, porá a disposición pública as sentenzas para facilitar o seu coñecemento directo pola cidadanía e garantir unha información veraz fronte a interpretacións e manipulacións interesadas.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
