Contará cunha nova cadeira anfibia, máis moderna e de fácil manexo, para facilitar o uso dos areais ás persoas con mobilidade reducida
Barreiros, 6 de febreiro de 2026. A Xunta de Goberno do Concello de Barreiros vén de aprobar os investimentos que incluirá no Plan Deputación do ano 2026. Ademais de incluír unha parte para a financiación do SAF, actividades de deporte e cultura e actuacións en vías municipais, o goberno municipal decidiu nesta anualidade destinar unha parte do Plan Deputación a mellorar as dotacións dos equipos de Protección Civil e Socorrismo.
A alcaldesa, Ana Ermida, explica que se trata dun investimento de máis de 12.000 euros destinados a adquirir material “co que se pretende facilitar as funcións das persoas voluntarias de Protección Civil e tamén a prestación do servizo de socorrismo durante a tempada estival” .
“É unha aposta por seguir reforzando estes servizos que, nos últimos anos, xa foron mellorando notablemente en canto equipamento e funcionamento”, asegura a rexedora.
Cos fondos que lle corresponden a Barreiros, o Concello adquirirá cadeiras de altura para a vixilancia nos areais (recuperando este material que tivera que deixar de utilizarse desde hai anos polo seu deterioro), unha cadeira anfibia que mellorará o servizo para as persoas con mobilidade reducida e facilitará o seu uso, ao tratarse dunha cadeira moderna e de manexo máis sinxelo ca que xa posúe o Concello e unha padiola de asistencia, que se vén a sumar ás xa adquiridas en anos anteriores por este goberno municipal para tentar cubrir as necesidades de todas as praias con servizo de socorrismo.
Material para a Agrupación de Protección Civil.
Ademais do material destinado especificamente ao servizo de socorrismo, o Concello de Barreiros tamén adquirirá material para o voluntariado de Protección Civil. Así, á vista das actuacións que se levan a cabo e atendendo á demanda das propias persoas voluntarias, Barreiros contará cunha carpa móbil de 4×4 destinada ás actuacións de emerxencias ou seguridade. Deste xeito, a agrupación poderá contar cun punto de encontro nos operativos, de montaxe áxil e facilmente identificable, gañando en operatividade e visibilidade.
Ana Ermida sinala “a importancia deste tipo de investimentos para o propio Concello, xa que Protección Civil permítenos contar con eventos e operativos que de non existir ese voluntariado non teríamos capacidade de acoller.” Neste sentido, a mandataria barreirense quixo agradecer esa “labor silenciosa e discreta que realizan estas persoas, entregando parte do seu tempo libre a axudar e facilitar a vidas das veciñas e veciños”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
