Madrid, 27 de febreiro, 2026. O senador socialista, César Mogo, asegura que os senadores do PP por Lugo volveron quedar en evidencia tras recibir a resposta oficial a unha pregunta parlamentaria. Segundo o Executivo, a tentativa do PP de vincular un suposto aumento dos accidentes con vítimas ao estado de conservación das estradas é “un invento temerario e irresponsable”.
O Goberno explica que, nos anos 2024 e 2025, ningún accidente con feridos nin vítimas mortais na provincia de Lugo estivo relacionado co estado da vía. Ademais, tampouco se produciu un incremento de sinistros con vítimas na rede estatal galega.
A resposta tamén aclara que, dos 10 falecidos en accidente de tráfico rexistrados en 2025 na provincia de Lugo, só 1 se produciu en estradas de titularidade estatal, un dato que contradí de maneira directa as afirmacións dos senadores populares.
O Executivo desminte igualmente que Lugo sexa a provincia galega onde máis aumentaron os accidentes, cualificando esa afirmación como “falsa e carente de fundamento”.
No documento remitido á Cámara Alta, o Goberno detalla a evolución do investimento en conservación e seguridade viaria na provincia: de 13,56 millóns de euros en 2014 pasouse a 25,39 millóns en 2024, o que supón un incremento do 87,31%.
Segundo a resposta oficial, “a irresponsabilidade coa que actúa o PP chega ao punto de tentar xerar alarma entre a cidadanía cun relato que non se corresponde coa realidade”. O Executivo conclúe que os senadores populares “falan sen documentación, sen prudencia e sen fundamento”, e que “antes de inventar problemas, deberían axudar a resolver os que existen de verdade”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
