Ameijide: “A presidenta da Deputación ten unha triple oportunidade de ouro no pleno de mañá. En primeiro lugar, demostrar que está cos 67 concellos e axudar a todos tralos temporais que sufrimos; outra votando a favor das persoas que sofren discapacidade ou dependencia na nosa Comunidade e na nosa provincia, esixindo ao seu Goberno que retire o recurso de inconstitucionalidade; e en terceiro lugar que vai reintegrar a 16 traballadores na Deputación, de onde nunca se deberon ir e que botou o seu partido”
Lugo, 23 de febreiro de 2026. O PP esixe ao goberno provincial reintegrar na Deputación de Lugo aos traballadores de Suplusa que PSOE e BNG enviaron a Tragsa no momento no que acordaron mercar unha acción desta empresa pública para encomendarlle os traballos de mantemento e conservación das zonas verdes provinciais.
Os deputados provinciais teñen solicitado un Pleno extraordinario da Deputación de Lugo que se celebrará este martes despois da sesión ordinaria para esixir ao goberno provincial dar cumprimento á sentenza do Tribunal Supremo dando por rematados os encargos a Tragsa, asumir a xestión directa do mantemento e conservación das zonas verdes e subrogar os traballadores para integralos na Deputación de Lugo.
“A sentenza, que xera xurisprudencia a nivel nacional, recoñece as ilegalidades do goberno provincial que, a pesar de erixirse como exemplo, o único que fan é ternos acostumados a actitudes ditatoriais e, lamentablemente, a poñer o nome da provincia como exemplo do que non se debe facer dende unha institución pública”, explica o portavoz, Antonio Ameijide.
Os populares consideran que “PSOE e BNG, co expresidente Tomé á cabeza, non só se saltaron a lei ao non pasar polo Pleno a decisión de comprar a acción de Tragsa, senón tamén ao adxudicar traballos de forma directa sen un procedemento ordinario ou de concorrencia pública”.
ACTIVIDADE ORDINARIA
Os deputados provinciais do Partido Popular tamén defenderán no Pleno ordinario outras dúas iniciativas. Unha delas dirixida a esixirlle ao goberno provincial que a Deputación de Lugo, dentro das súas competencias de asistencia aos Concellos especialmente de menor capacidade, habilite un plan extraordinario de cooperación cos concellos por 5M€ para a recuperación de infraestruturas municipais afectadas polos danos dos temporais.
Así mesmo, defenderán unha proposta para que a Deputación de Lugo inste ao Goberno de Sánchez a retirar o recurso que bloquea o Plan de axilización da dependencia impulsado pola Xunta que permite simplificar trámites administrativos para miles de persoas en situación de dependencia.
Os populares tamén preguntarán cando teñen previsto PSOE e BNG executar os arranxos pendentes na escola de piragüismo, unha infraestrutura de titularidade provincial que presenta numerosas e graves deficiencias na cuberta e con tubaxes rotas que xera humidades. “Os usuarios e os profesionais que empregan estas instalacións merecen unhas condicións dignas e seguras, e a Deputación debe asumir a súa responsabilidade como titular do inmoble”, segundo manifesta o portavoz.
O Grupo Provincial tamén se dirixirá ao goberno para saber cando ten previsto reconstruír a ponte que caeu o pasado martes 27 de xaneiro na estrada provincial LU-P-3501 ao seu paso polo termo municipal de Navia de Suarna.
Por outra banda, os populares urxirán a acometer debidamente os traballos de mantemento e poda das árbores das marxes de tódalas vías provinciais actuando de forma urxente nas inmediacións do CEIP Antía Cal de Muras na marxe da LU-P-3401 onde as pólas das árbores invaden o espazo da calzada supoñendo un importante risco para a comunidade educativa.
Os deputados do PP tamén instarán á Deputación de Lugo a acometer de forma urxente as necesarias actuacións de mantemento na estrada LU-P-6103 que comunica Barreiros e Trabada e no resto da rede viaria provincial para garantir a seguridade dos veciños e veciñas da provincia de Lugo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
