A alcaldesa, Marta Rouco, participa na presentación oficial da quinta edición da volta ciclista profesional a Galicia, que chegará a Vilalba o vindeiro 15 de abril
Vilalba, 7 de febreiro, 2026. A alcaldesa de Vilalba, Marta Rouco, participou onte na presentación oficial da quinta edición de O Gran Camiño, celebrada no Auditorio do Campus Tecnolóxico Cortizo de Padrón, un acto no que se deu a coñecer o percorrido das distintas etapas da volta ciclista profesional a Galicia.
Vilalba será o municipio de saída da segunda etapa da proba, o vindeiro 15 de abril, nunha xornada que conectará a Terra Chá coa Mariña lucense e que converterá á capital chairega nun dos focos principais do evento.
Durante a presentación, Marta Rouco destacou a importancia que supón para Vilalba acoller a saída de etapa dunha proba deportiva de carácter internacional. “Ser punto de partida dunha etapa de O Gran Camiño é unha oportunidade extraordinaria para Vilalba, tanto desde o punto de vista deportivo como económico e promocional”, sinalou a alcaldesa.
A rexedora subliñou que “eventos deste nivel teñen un impacto directo no comercio e na hostalería local, coa chegada de equipos, organización, medios de comunicación e afeccionados, pero tamén un retorno a medio e longo prazo en termos de imaxe e visibilidade”. Neste sentido, Rouco apuntou que “durante esa xornada, Vilalba será o centro de atención dungran evento deportivo, cunha proxección mediática que permite situar a nosa vila no mapa e amosar todo o seu potencial”.
A alcaldesa incidiu tamén en que “apostar por acoller eventos de primeiro nivel forma parte dunha estratexia clara de dinamización económica e promoción do territorio”, e lembrou que Vilalba conta cunha fonda tradición vinculada ao ciclismo e cun entorno privilexiado para a práctica deportiva.
Desde o Concello de Vilalba valórase moi positivamente a inclusión da vila nesta edición de O Gran Camiño, unha proba que ano tras ano gaña prestixio e repercusión internacional, e que consolida a Galicia como referente no calendario ciclista profesional. “Seguiremos traballando para que Vilalba sexa un lugar atractivo para acoller grandes eventos, porque iso tradúcese en actividade económica, promoción exterior e orgullo para os nosos veciños e veciñas”, concluíu Marta Rouco.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
