A iniciativa está organizada pola asociación Tourette Galicia coa colaboración do Concello de Burela, ACIA Burela e ABSA
Burela, 15 de marzo de 2026. A Casa da Cultura de Burela acollerá o vindeiro 11 de abril a I Gala Solidaria Síndrome de Tourette Galicia, unha iniciativa impulsada pola asociación Tourette Galicia co obxectivo de dar visibilidade a esta condición neurolóxica e apoiar ás persoas afectadas e ás súas familias.
Baixo o lema “Xuntos visualizamos o Tourette”, o evento ofrecerá unha programación cultural e solidaria aberta a toda a cidadanía, na que se combinarán actuacións musicais, sorteos e outras propostas pensadas para todos os públicos.
A gala conta coa colaboración do Concello de Burela, ACIA Burela e ABSA, así como coa participación de diversos grupos e colectivos que actuarán de forma altruísta. Entre os participantes confirmados atópanse ACM Arume, o alumnado do CEIP Os Castros, Grupo de Cordas, Sen Límites, Fervenza 0,0 e Golpe de Efecto, que ofrecerán unha proposta artística variada.
As entradas poden adquirirse a través da plataforma A Taquilla. Ademais, habilitouse unha Fila 0 solidaria para todas aquelas persoas que desexen colaborar coa causa aínda que non poidan asistir ao evento.
Durante a presentación da gala, a concelleira de Cultura, Lina Gómez, destacou que “dende o Concello de Burela queremos colaborar con propostas que unen cultura e solidariedade. Esta gala é unha oportunidade para dar visibilidade á síndrome de Tourette e contribuír a que a sociedade coñeza mellor esta realidade”. Gómez sinalou tamén que “a cultura ten unha enorme capacidade para xerar empatía e para abrir conversas necesarias na sociedade”.
Pola súa banda, a concelleira de Servizos Sociais, Sandra Fernández, subliñou que “Burela é un concello solidario e comprometido coas causas sociais”, e explicou que dende o goberno local quíxose apoiar esta iniciativa que contribúe a dar a coñecer a síndrome de Tourette e o traballo que realiza a asociación.
Dende Tourette Galicia agradeceron o apoio recibido para facer posible o evento e a acollida do Concello de Burela durante a presentación da gala. A entidade tamén quixo poñer en valor a colaboración dos grupos musicais participantes, que actuarán de maneira altruísta para contribuír á visibilización da síndrome.
Así mesmo, a asociación destacou o apoio do tecido comercial e empresarial de Burela, agradecendo a colaboración de ABSA, ACIA Burela e numerosos establecementos e negocios locais, que achegaron agasallos para os sorteos que se realizarán durante a gala.
Dende a organización e as entidades colaboradoras animan á veciñanza a participar nesta primeira gala solidaria, que busca converterse nun espazo de sensibilización, apoio e encontro arredor da cultura e da solidariedade.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
