Dende finais da Segunda Guerra Mundial ata hoxe vanse producir unha serie de cambios xeopolíticos que irán transformando a orde mundial dunha estrutura bipolar a outra multipolar. Entre medias, pasamos por unha etapa de absoluta hexemonía estadounidense que se está vendo frenada polo imparable avance de China. Un feito que ten ao mundo sumido na incertidume.
Para entender esta nova situación multipolar, coido que hai que comprender o que pasou no anterior proceso de globalización económica que parte do ” Consenso de Washingtong” de 1989, onde EEUU xunto a outras institucións toman a decisión de impulsar o libre comercio e rexeitar todo proteccionismo.
O obxetivo parecía claro. Ademais da hexemonía militar, EEUU pretendía pór os recursos económicos mundiais e a potencial masa de novos consumidores asiáticos ao servizo das súas empresas multinacionais, consolidando por completo a súa hexemonía mundial.
Pero o devandito obxetivo non saíu como estaba planificado porque o proceso globalizador acabaría producindo unha masiva desindustrialización estadounidense, xa que o capital, seguindo a súa lóxica, foi en busca de maiores beneficios e decidiu trasladar a maioría dos procesos produtivos a China e outros paises do sudeste asiático onde os salarios eran moito máis baixos, as xornadas laborais máis longas e os dereitos dos traballadores inexistentes.
Este trasvase de capital acabou permitíndolle a China desenvolver un potente sector industrial, primeiro imitando e logo innovando, ata converterse na gran fábrica do mundo.
Desta forma foi como China se foi integrando na economía mundial, creando millóns de empregos, reducindo significativamente a pobreza e elevando de forma considerable o seu PIB e acercarlo ao dos EEUU.
Paradoxicamente, mentres isto sucedía en China, en EEUU aumentaba de maneira escandalosa a desigualdade, se precarizaba o emprego e reducíase de maneira significativa o crecemento económico.
Este cambio na redistribución do poder económico mundial é o que está detrás do lema: “Fagamos grande outra vez EEUU.” Un feito que está levando aos EEUU a utilizar o seu poder militar para estrangular o avance económico de China, controlando os recursos enerxéticos mundiais.
Este contexto é o que explica o recente control do petróleo venezolano, o ataque a Irán, apoiado polos intereses de Israel, e a política de aranceis impulsada por Trump.
Unha estratexia que moitos analistas entenden que está condenada ao fracaso porque o declive interno dos EEUU xa está demasiado avanzado porque falta moita man de obra cualificada para volver a reindustrializar o país e a maioría da sociedade está sumida nunha enorme degradación moral. Mentres, as elites, hai tempo que abandoaron ao pobo estadounidense para forrarse no mundo improdutivo da especulación financeira.
Polo tanto, entre o pobo estado unidense e as súas elites deixou de haber obxetivos compartidos e o resultado desta ruptura está sendo unha continuada degradación e decadencia do país moi difícil de solucionar.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
