A Mariña, 29 de abril, 2026. A Garda Civil, no marco das investigacións realizadas, identificou a cinco persoas veciñas de Madrid como presuntas autoras de varios delitos de furto cometidos mediante o método coñecido como “a sementeira” en distintos puntos da Mariña Lucense.
Os feitos remóntanse ao pasado mes de decembro, cando se detectou a presenza dun grupo de persoas que se desprazaba desde Madrid ás provincias de Lugo e A Coruña para actuar de forma itinerante en aparcadoiros de establecementos comerciais.
Modus operandi
O método empregado consistía na actuación coordinada de varias persoas para distraer á vítima e conseguir que descoidase as súas pertenzas no interior do vehículo. Para iso arroxaban moedas ou peque nos obxectos ao chan, facendo crer á vítima que se lle caeran.
Mentres esta se agachaba para recollelos, outro membro do grupo accedía ao vehículo e subtraía obxectos de valor.
Tamén utilizaban variantes como solicitar indicacións para afastar á vítima do coche ou vixiar a persoas que regresaban ao aparcadoiro con carros da compra, aproveitando o momento no que devolvían o carro sen asegurar o peche do vehículo.
Furtos detectados
En decembro denunciouse o primeiro caso en Burela. No presente mes rexistráronse outros tres furtos de características similares en aparcadoiros de supermercados de Burela, Foz e Ribadeo.
Como resultado das investigacións, a Garda Civil identificou a cinco persoas que se desprazaban en vehículos de alugueiro desde Madrid e que operarían en distintas provincias do territorio nacional. Todas elas teñen residencia en Madrid e están pendentes de detención e posta a disposición xudicial.
Recomendacións de seguridade da Garda Civil
A Garda Civil lembra á cidadanía a importancia de adoptar medidas de prevención para evitar ser vítima deste tipo de furtos:
– Non perder de vista as pertenzas persoais, especialmente en aparcadoiros.
– Asegurar sempre o peche do vehículo, mesmo en ausencias breves.
– Non deixar obxectos de valor á vista.
– Desconfiar de distraccións intencionadas (moedas no chan, peticións de indicacións, etc.).
– Pechar o vehículo antes de atender a calquera persoa que se achegue.
– Comprobar sempre que o coche queda correctamente pechado.
– Manterse alerta ante persoas que merodeen nos aparcadoiros.
Ante actitudes sospeitosas ou se se é vítima dun feito similar, chamar de inmediato ao 062.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
