O trazado previsto supera os dez quilómetros, dividirase en dúas variantes e iniciará o desenvolvemento pola leste, cun investimento aproximado de 37,6 millóns de euros
Viveiro, 29 de abril de 2026. A Xunta de Galicia anunciou a próxima saída a información pública do estudo informativo e de impacto ambiental da variante de Viveiro, un novo avance na tramitación dunha infraestrutura chamada a mellorar as comunicacións no concello e a contribuír á liberación de tráfico no núcleo urbano. A actuación tamén busca dar resposta ás necesidades de mobilidade no principal núcleo da Mariña lucense e o terceiro máis poboado da provincia.
A proposta recollida pola Xunta formula unha estrada cun percorrido de algo máis de 10 quilómetros, distribuído en dúas variantes: unha cara ao oeste, en dirección ao Vicedo, e outra cara ao leste, que conectará co porto de Celeiro mediante un ramal e co corredor Celeiro-San Cibrao. A administración autonómica indica que a actuación se executará por fases.
A primeira fase que se prevé desenvolver é a variante leste, cun trazado de 6,2 quilómetros desde a glorieta de conexión na LU-540, no comezo da travesía de Viveiro, ata a glorieta de inicio do corredor Celeiro-San Cibrao. O investimento estimado para esta fase ascende a 37,6 millóns de euros e no percorrido inclúense dous viadutos, un de 503 metros en Celeiro e outro de 130 metros no Rego Fontecova, ademais da glorieta de conexión coa LU-862. A previsión da Xunta é licitar neste semestre a redacción do proxecto construtivo desta primeira fase.
De acordo coa referencia do Consello da Xunta, a futura variante podería absorber preto do 60% do tráfico actual, incluído o de longo percorrido, o dirixido ao porto de Celeiro e parte do tráfico local. A mesma información oficial sinala que no núcleo de Viveiro se rexistran actualmente máis de 13.000 vehículos ao día.
A alcaldesa Mariña Gueimunde sinalou que este anuncio «supón un paso importante para Viveiro, porque permite seguir avanzando nunha infraestrutura moi necesaria para mellorar as comunicacións e aliviar a carga de tráfico que soporta a vila». A rexedora engadiu que «todo avance administrativo nesta dirección é positivo e debe servir para continuar concretando unha actuación estratéxica para o futuro do municipio».
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
