José María Fernández lamenta que o alcalde perda oportunidades clave para a contratación de veciños en situación de desemprego e critica a falta de xestión do socialista: “Non é forma de fomentar o emprego nin de traballar polo benestar de Trabada”
Trabada, 29 de abril de 2026. Os concelleiros do PP de Trabada denuncian a “desidia e falta de compromiso” do goberno de Rubén García coas políticas de fomento do emprego, tras confirmar que o Concello non concorreu ás convocatorias de axudas para o programa Aprol Rural nin solicitou a posta en marcha de novos obradoiros de emprego.
O voceiro popular, José María Fernández, cualifica de ” irresponsabilidade máxima” a decisión tomada polo alcalde, xa que, existindo ferramentas financiadas pola Xunta para fomentar a inserción laboral e a formación, “vemos como o alcalde opta pola estratexia de brazos caídos, é dicir, non facer nada”.
Esta renuncia a solicitar axudas supón un golpe directo para os desempregados do municipio, que “perden a oportunidade de acceder a un posto de traballo ou a unha formación profesional remunerada”.
José María Fernández sinalou que esta actitude demostra que o emprego non está na axenda de prioridades do actual rexedor. “Deixar pasar estas convocatorias non é só un erro administrativo, é unha falta de respecto aos nosos veciños. Esta non é forma de fomentar o emprego nun concello rural que tanto o necesita, nin é forma de traballar por Trabada. Mentres outros concellos da contorna se moven para captar fondos e dar traballo, o noso alcalde prefire a parálise”, denunciou.
A importancia do Aprol Rural vén dada porque é fundamental para que os concellos poidan contratar persoal para labores de prevención de incendios ou mantemento de espazos públicos, mentres que os obradoiros de emprego permiten que os mozos e parados de longa duración obteñan certificados de profesionalidade.
“A función dun alcalde debe ser a de buscar recursos ata debaixo das pedras para mellorar a vida dos seus veciños. Perder estas axudas por non presentalas en tempo e forma é a proba evidente de que este Goberno está esgotado e sen ideas”, criticou.
Ante esta situación, José María Fernández insta ao alcalde a que dea explicacións públicas sobre os motivos polos que non se solicitaron estas subvencións.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
