Ribadeo, 23 de abril, 2026. O Concello de Ribadeo, en colaboración coa Asociación Cuiden Maiores e Coidadores, porá en marcha un novo Grupo de Apoio Mutuo (GAM) dirixido a familiares que coidan de persoas maiores no fogar. A iniciativa busca crear un espazo de encontro, escoita e apoio entre persoas que viven a realidade do coidado no ámbito familiar.
Segundo informou o Concello, o grupo iniciará a súa actividade o 28 de abril, terá carácter quincenal e desenvolverase no Centro Social de Ribadeo como proxecto piloto cunha duración inicial de tres meses.
Sesións e funcionamento
As sesións celebraranse de 16:00 a 17:30 horas e contarán cun total de seis encontros. O grupo está pensado para persoas que coidan dun pai, dunha nai, da parella ou doutro familiar maior, con ou sen demencia. O número de participantes será reducido para favorecer a confianza, a participación e o respecto aos tempos de cada persoa.
Segundo GAM da asociación
O de Ribadeo será o segundo Grupo de Apoio Mutuo dinamizado por Cuiden Maiores e Coidadores, tras a experiencia iniciada en Foz. A asociación continúa así unha liña de traballo centrada en crear espazos comunitarios de apoio para persoas que sosteñen o coidado diario dos seus maiores no fogar.
Un espazo para compartir e sentirse acompañadas
O obxectivo do GAM é ofrecer un lugar no que as persoas participantes poidan compartir experiencias, expresar como viven o coidado e sentirse comprendidas por outras persoas que atravesan situacións semellantes. Trátase dun recurso comunitario baseado no apoio mutuo e no acompañamento entre iguais, non dun servizo clínico nin terapéutico.
Desde a asociación subliñan que non se pode falar do benestar das persoas maiores sen ter en conta tamén a realidade de quen as coida. “A experiencia de Foz confirmounos a utilidade destes grupos, e agora Ribadeo convértese no segundo GAM dinamizado pola asociación”, sinalan.
Inscricións abertas
A participación será gratuíta, pero as prazas estarán limitadas a un máximo de 12 persoas, polo que é necesaria inscrición previa.
As persoas interesadas poden solicitar máis información ou reservar praza chamando ao teléfono 644 032 222.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
