Un inicio eléctrico en Vista Alegre
Burela, 19 de abril, 2026. O segundo partido da Tarde Laranxa comezou coa enerxía propia dun Vista Alegre entregado. O Burela entrou forte ao encontro e no minuto 4 chegou o 1-0, obra de Raid, que aproveitou un balón morto na área tras un disparo previo de Charly.
A ocasión máis clara chegou un minuto despois, cun remate de Alberto que se perdeu rozando o segundo pau. No minuto 8, Jason estivo a piques de ampliar a vantaxe cun disparo frontal que tamén se marchou por moi pouco.
O Móstoles respondeu con dous intentos perigosos: Torero despexou un tiro de Armando no 10 e volveu intervir no 11 ante un bo disparo de Suko.
No minuto 15, Carlitos fixo o 1-1 nun man a man con Torero tras unha recuperación en media pista. Pero o Burela non baixou o ritmo e, no último minuto da primeira parte, Alán asinou o 2-1 cunha xogada individual espectacular, superando dous defensas antes de fusilar a portería.
Segunda parte: ritmo, goles e sufrimento
O segundo tempo mantivo a intensidade e o ritmo alto. No minuto 26, Alán volveu aparecer para marcar o 3-1, roubando en pista propia e superando a Rafa Luque no cara a cara.
O Burela tivo opcións para ampliar a vantaxe: primeiro Jason, que se atopou co porteiro visitante, e despois Mauro, que enviou fóra o rexeite.
No minuto 32, Carlitos rozou o gol para o Móstoles e, pouco despois, chegou o 3-2: Aarón Chamorro aproveitou un roubo a Torero nunha saída de porteiro para marcar a porta baleira.
A resposta do Burela foi inmediata. No minuto 34, o capitán Charly dirixiu un contraataque perfecto que rematou 4-2.
O partido non deu tregua e, un minuto despois, Suko fixo o 4-3 cun disparo axustado ao pau tras combinar con Armando.
Final de infarto e defensa impecable
Nos últimos minutos, o Móstoles apostou polo xogo de cinco con Palomares como porteiro-xogador, buscando o empate. O Burela mantivo unha defensa sólida e ordenada, resistindo ata o final e asegurando unha vitoria moi traballada ante a súa afección.
Ficha Técnica Reyco Burela FS 4-3 MRB FS Móstoles
Reyco Burela FS (4): Torero; Pitero (C), Charly, Raid, Alberto , -quinteto inicial-, Alán, Jason, Bingyoba, Mauro.
MRB FS Móstoles (3): Rafa Luque, Aarón Chamorro, Suko, Cristian, Jiménez –quinteto inicial-, Palomares, Carlitos, Velasco, Káiser, Manu Diz, Armando (C).
Goles: 1-0, min. 4: Raid. 1-1, min. 15: Carlitos. 2-1, min. 20: Alán. 3-1, min. 26: Alán. 3-2, min. 33: Aarón Chamorro. 4-3, min. 35: Pitero.
Árbitros: Christian Castro // Noelia Gutiérrez // Iván Feliz // Andrea González. Por parte do Reyco Burela viron tarxeta amarela Raid (11′), Jason (26’), Bingyoba (26’) e Alberto (finalizado o partido). Por parte do Móstoles, Aarón Chamorro (28′).
Incidencias: Partido correspondente á xornada 26 de Segunda División Masculina disputado no pavillón municipal Vista Alegre de Burela. Realizouse un acto previo ao partido donde se lle fixo entrega dun obsequio ao equipo infantil das Escolas Deportivas Burela FS polo seu ascenso a Liga Galega
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
