Burela, 6 de maio, 2026. O proxecto Pesca Saúde organiza unha nova xornada técnica o martes 12 de maio ás 19:30 horas na Casa do Concello de Burela. A convidada será a pediatra Consuelo Lobelle Fernández, que centrará a súa intervención nos beneficios do consumo de produto pesqueiro para o desenvolvemento cognitivo e o crecemento na infancia.
A sesión forma parte da programación da Estratexia Saúde Concello de Burela, é aberta ao público e non require inscrición previa.
Sobre a relatora
Consuelo Lobelle Fernández é unha pediatra de ampla traxectoria, especialista en diagnóstico de enfermidades infantís. Exerce no Centro de Saúde Illas Canarias (Lugo) e é licenciada e doutora en Medicina pola Universidade de Santiago de Compostela, onde tamén realizou a súa especialidade no Hospital Universitario de Santiago.
Que é Pesca Saúde?
Pesca Saúde é un ciclo de xornadas técnicas nas que profesionais da saúde explican, desde diferentes especialidades, os beneficios do consumo de peixe, marisco e outras especies mariñas de proximidade.
O obxectivo é divulgar información rigorosa, desmontar mitos e achegar evidencias científicas actualizadas sobre o impacto positivo destes alimentos na saúde.
O proxecto xorde nun contexto no que o consumo de peixe fresco descendeu, mentres aumentan os produtos ultraprocesados, un cambio asociado ao incremento de enfermidades cardiovasculares, metabólicas e inflamatorias. Promover o peixe local convértese así nunha estratexia de saúde pública baseada na evidencia.
Vales de desconto para mercar produto do mar
As peixerías teñen un papel destacado no proxecto. Durante as xornadas repártense vales de 5 € para descontar na compra de produto pesqueiro.
Ademais, ata o 30 de xuño, todas as persoas que acumulen 60 € en tiques de compra nos establecementos adheridos participarán no sorteo dunha degustación para dúas persoas nun local de hostalaría. As peixerías participantes estarán identificadas co distintivo oficial da campaña.
Próximas actividades: restauración e obradoiros
O proxecto continuará traballando co sector da hostalaría, deseñando menús saudables baseados en produto local e de tempada.
Tamén se celebrarán os obradoiros de BatchCooking, unha metodoloxía que permite organizar a cociña semanal preparando varias elaboracións nunha única sesión para combinalas despois en diferentes comidas.
Quen promove Pesca Saúde?
Pesca Saúde está financiado polo Fondo Europeo Marítimo, de Pesca e de Acuicultura (FEMPA) 2021-2027 a través da Consellería do Mar. Participan sete GALP que cobren boa parte do litoral galego, coordinados polo GALP Costa Sostible.
O proxecto conta tamén coa colaboración da Consellería de Sanidade, integrando as Estratexias de Desenvolvemento Local Participativo coa Estratexia Galega de Saúde Comunitaria 2023-2027.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
