Lugo, 6 de maio de 2026. A Vicepresidencia da Deputación de Lugo achegará 27.000 euros para actuación de mellora na área recreativa do campo de Vilela, en Ribadeo.
O proxecto contempla converter a explanada actual, cun firme de zahorra, nunha pista multiuso, con pavimento de formigón desactivado, que a veciñanza poida empregar para a organización de actividades lúdicas, culturais e recreativas. Ademais, para evitar o pso de coches por ese punto, habilitarase un novo acceso ás vivendas.
O deputado de Rural Daniel García explicou que “se trata dunha actuación que responde ás demandas da veciñanza e que conecta co compromiso da Vicepresidencia da Deputación coa dinamización cultural e social das zonas rurais. As actividades lúdicas e culturais e a convivencia entre a veciñanza precisa de espazos públicos nos que desenvolverse con comodidade e con seguridade”, expuxo.
Pola súa banda, o alcalde, Dani Vega dixo que “ é unha moi boa noticia para Ribadeo, unha moi boa noticia para os veciños de Vilela. O proxecto conxunto, o proxecto que redactou o Concello de Ribadeo, que se presentou ante a Deputación é un proxecto de 82.000 euros. A Deputación achega 27.000 euros, o Concello pon cerca de 60.000”.
Vega subliñou que “este proxecto leva o selo da asociación de veciños de Vilela, grazas polo seu traballo, polo que realiza constantemente na reivindicación de investimentos para Vilela, e neste caso na colaboración co Concello de Ribadeo. Hai que destacar que con aquelas parroquias e lugares que teñen asociacións lévase adiante un traballo moi coordinado co Concello e iso evidentemente tradúcese en feitos”.
O alcalde manifestou: “esta boa nova para Vilela suporá que pasarán de ter unha área recreativa, que cando chegamos ao goberno era un lameiro concretamente, xa coa Xunta de Galicia investimos 7.000 euros para mellorar o espazo e traballando conxuntamente conseguimos que a Deputación achegue 27.000 euros e o Concello 60.000”.
Dani Vega tivo palabras de agradecemento para a Deputación de Lugo: “teño que trasladar o meu agradecemento ao deputado de Barreiros, Dani García, por este traballo, por entender e comprender que as administracións deben colaborar. Nós non temos problema con ningunha, xestionamos orzamento con todas en beneficio do noso concello. Iso é o único que nos move. Moitas grazas á asociación de veciños por este traballo que fai, que seguimos colaborando con toda a zona rural, pero hoxe esta nova inversión que ven para Ribadeo leva o selo, leva o traballo da asociación de veciños de Vilela e a colaboración do titular do espazo, que é o Concello, e tamén da Deputación, concretamente grazas a Dani García, que é deputado, que é de Barreiros, pero traballa conxuntamente con este Concello”.
O investimento canalizarase a través dun convenio entre a área de Rural e o Concello de Ribadeo, que se aprobou este venres na Xunta de Goberno da Deputación de Lugo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
