Viveiro, 27 de maio, 2026. O xoves 28 de maio, ás 19:00 h, no Conservatorio Profesional de Música de Viveiro, celebrarase un encontro con Arantza Portabales arredor da súa nova novela Asasinato no muíño do cura.
No acto participará tamén David Cortizo, en representación da Editorial Galaxia.
Organiza: Libraría África Copias.
Arantza Portabales é unha das voces imprescindibles da novela negra actual: unha autora de referencia, cunha traxectoria sólida e miles de lectoras e lectores fieis.
Regresa agora cun dos lanzamentos máis agardados do ano: Asasinato no muíño do Cura, a nova entrega da serie “Os crimes de Loeiro”, iniciada con Asasinato na casa rosa.
Nesta ocasión volvemos a Loeiro para afondar nun suceso tráxico ocorrido en 1984: unha matanza no muíño do Cura que proxecta a súa sombra ata o presente. Alba Mariño chega á vila na procura dun pasado que lle foi arrebatado e do que apenas conserva unha marca indeleble.
Santaclara e Araujo, coa inestimable colaboración de Sinda —a Gestapo—, axudarán a Alba a desentrañar o sanguento misterio que envolve a súa historia familiar. No camiño toparán coas sinistras irmás Freijomil, netas do cura, e coa vella lenda da morte da pequena Berta, un crime nunca resolto.
O pacto de silencio que envolve a vila irá rachando pouco a pouco ata desembocar nun final trepidante que fai tremer os cimentos de Loeiro.
Sobre a autora
Arantza Portabales (San Sebastián, 1973) iniciou a súa traxectoria literaria en 2015 co libro de microrrelatos A Celeste la compré en un rastrillo. Ese mesmo ano publicou a súa primeira obra en galego, Sobrevivindo (Galaxia), coa que obtivo o Premio de Novela por Entregas de La Voz de Galicia.
A súa segunda novela, Deixe a súa mensaxe despois do sinal (Galaxia, 2017), foi traducida a varias linguas, adaptada ao teatro e recoñecida co Premio Novela Europea do Casino de Santiago.
En 2019 publicou Beleza vermella, un dos títulos máis lidos da novela policial galega, ao que seguiron A vida secreta de Úrsula Bas (2021) e O home que matou a Antía Morgade (2023).
En 2024 iniciou a serie “Os crimes de Loeiro” con Asasinato na casa rosa, protagonizada por Santaclara & Araújo.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
