Cervo, 21 de maio do 2026. O Concello de Cervo colaborou co Club de Atletismo Maderas Barcia Cervo na adquisición dunha nova estrutura de cubrición para a zona de caída de salto de altura das pistas deportivas municipais, unha actuación financiada con fondos propios municipais.
A alcaldesa, Dolores García Caramés, e o concelleiro Alfredo Fernández achegáronse ata as instalacións deportivas para comprobar in situ o funcionamento deste novo equipamento durante unha sesión de adestramento do club.
A nova infraestrutura consiste nun armazón metálico de cubrición que protexe a colchoneta de salto de altura fronte á choiva e á exposición directa ao sol, contribuíndo así á súa conservación e durabilidade. A estrutura está dividida en dous módulos independentes que incorporan rodas, o que permite desprazalos con facilidade para descubrir completamente a zona de caída durante os adestramentos e competicións.
A alcaldesa, Dolores García Caramés, destacou que “esta actuación responde ao compromiso do Concello co deporte base e coa mellora continua das instalacións municipais, co obxectivo de que os nosos clubs poidan adestrar en condicións cada vez máis seguras e axeitadas”.
Engadiu ademais que “o atletismo cervense está a vivir un gran momento grazas ao traballo constante dos deportistas, adestradores e familias, e desde o Concello imos seguir apoiando ese esforzo con investimentos útiles e reais”.
Desde o Goberno local destacan a importancia de continuar apoiando o deporte base e ás entidades deportivas do municipio, mellorando tanto as instalacións como os recursos necesarios para o desenvolvemento da actividade deportiva en condicións óptimas.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
