Madrid, 26 de maio, 2026. O senador socialista César Mogo acusou ao PP de Lugo de “volver utilizar o Senado para facer un teatro do absurdo”, ao defender unha iniciativa sobre o proceso de planificación eléctrica da provincia “cando o procedemento aínda está aberto, é só unha proposta, non é definitivo e o Goberno xa se amosou receptivo ás alegacións que propoñen modificar o documento inicial e reforzar a capacidade eléctrica da provincia”.
Mogo cualificou a iniciativa de “inútil”, ao considerar que, mesmo que o PP a aprobe coa súa maioría absoluta, “non obriga a nada ao Goberno, como todo o mundo coñece”.
O senador criticou tamén a postura da Xunta, asegurando que a conselleira de Industria “pasou en pouco tempo de dicir que estaba razoablemente satisfeita coa proposta do Goberno a afirmar que discrimina Galicia enteira”. Ao seu xuízo, “tocáronlle a corneta desde arriba e, en lugar de optar pola coherencia, corrixiu o rumbo para atacar ao Goberno, que é o único que lles importa”.
Mogo defendeu que o Executivo central está a desenvolver o proceso de aprobación da nova planificación eléctrica —cun investimento “inédito, superior aos 13.000 millóns de euros”— con “total transparencia”, estudando miles de alegacións e achegas do sector e das administracións, e “con plena receptividade cara á provincia de Lugo”. Por iso, considera “incomprensible” a iniciativa do PP, “máis aínda cando se debate poucos días despois de que Altri anunciase o recurso ao arquivo do seu proxecto rexeitado. Non puideron escoller peor momento”.
O senador lembrou que Galicia leva 45 anos con competencias exclusivas en política industrial e afirmou que, se a industria galega non está ao nivel que merece, “é porque a Xunta fracasa unha e outra vez con megaproyectos que non se consuman”. Engadiu que, entre 2019 e 2025, “o Goberno de España investiu máis de 2.000 millóns de euros en proxectos vinculados á industria en Galicia”.
Mogo acusou os senadores do PP de utilizar o Parlamento “non para atender aos intereses reais da provincia, senón para aparecer nos medios e pronunciarse sobre decisións que nin sequera están tomadas”. Concluíu asegurando que “todo isto é un absurdo”.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
