A alcaldesa, Marta Rouco, e o concelleiro Eduardo Vidal destacan a utilidade desta canle directa coa veciñanza para mellorar os servizos municipais e axilizar a resolución de incidencias
Vilalba, 22 de maio de 2026.O Concello de Vilalba fixo balance do funcionamento da aplicación Liña Verde, a ferramenta de comunicación directa coa veciñanza que permite trasladar incidencias relacionadas cos servizos municipais e realizar consultas ambientais de maneira rápida e sinxela.
Desde a súa implantación, o sistema experimentou un notable incremento da participación cidadá, o que permitiu reforzar a detección de problemas e actuar con maior axilidade en numerosos puntos do municipio.
Ata o momento, o Concello solucionou 8.162 incidencias comunicadas pola veciñanza, acadando unha taxa de resolución do 75% dos avisos recibidos.
As incidencias máis habituais están relacionadas coa iluminación pública (61% das comunicacións), seguidas das vinculadas a beirarrúas, rúas e estradas (15%). Tamén se rexistran avisos sobre recollida do lixo, rede de sumidoiros e auga, así como sobre parques e xardíns.
Declaracións do goberno municipal
A alcaldesa de Vilalba, Marta Rouco, destacou que “Liña Verde converteuse nunha ferramenta moi útil para mellorar a comunicación directa coa veciñanza e para poder actuar de forma máis rápida e eficaz sobre moitas incidencias do día a día”.
Rouco subliñou ademais que “este sistema permite ao Concello coñecer necesidades e problemas concretos en distintos puntos do municipio practicamente en tempo real, mellorando así a capacidade de resposta dos servizos municipais”. A rexedora puxo tamén en valor “a implicación da veciñanza á hora de utilizar esta ferramenta e colaborar na detección de incidencias que contribúen a mellorar o estado dos espazos públicos e os servizos municipais”.
Pola súa parte, o concelleiro de Servizos Públicos Municipais, Eduardo Vidal, explicou que “a aplicación facilita unha xestión moito máis organizada das incidencias e permite facer un seguimento máis eficaz da súa resolución”. Vidal engadiu que “a maior parte das comunicacións están relacionadas coa iluminación pública e co mantemento viario, cuestións fundamentais no día a día e nas que se está realizando un importante esforzo de mellora”.
Como funciona Liña Verde
A través da aplicación, a veciñanza pode comunicar incidencias directamente desde o móbil, achegando unha fotografía e a localización exacta do problema detectado. Unha vez enviado o aviso, os servizos municipais reciben automaticamente a notificación para iniciar a tramitación e posterior resolución. O usuario pode ademais consultar en tempo real o estado da incidencia.
A aplicación pode descargarse de forma gratuíta en Google Play e App Store, seleccionando posteriormente o municipio de Vilalba.
Desde o Concello animan á cidadanía a seguir empregando esta ferramenta como canle directa de colaboración para continuar mellorando os servizos públicos e o estado do municipio.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
