O senador mariñán, José Manuel Balseiro, condena “o abandono e a falta de mantemento” e advirte da “falta de peso do PSOE focense” toda vez que “aseguran que levan tempo con este tema, o que evidencia que non lles fan caso”
Foz, 21 de maio de 2026. O PP advirte que “o Goberno de Sánchez non asume ningún compromiso para actuar na desembocadura do río Ouro, na zona da Pampillosa, en Foz”. Ante a resposta oficial do Goberno do Estado ás preguntas formuladas polos senadores do PP lucense – José Manuel Barreiro, José Manuel Balseiro e Juan Serrano- a petición do PP de Foz, “entendemos que o Goberno de España non previsto ningunha actuación”.
A desembocadura do río Ouro, un dos máis importantes da Mariña, atópase taponada pola acumulación de pedras e sedimentos que impiden a correcta evacuación da auga cara ao mar. De feito, embalsa río arriba incrementando o risco de desbordamentos que poidan provocar danos ás persoas e infraestruturas próximas ao río. E sae ao mar polo medio dunha escollera que se pode ver debilitada pola acción da auga.
Os populares lembran que “levamos anos reclamando a dragaxe da desembocadura do río sen que nos fixeran caso” e advirten da “gravidade” deste asunto porque “estamos ante un posible delito ecolóxico nunha zona de marismas e desembocadura dun río onde debe haber un contacto natural entre o mar e o río”, segundo matiza o portavoz do PP local, Javier Castiñeira.
O senador mariñán José Manuel Balseiro condena “o abandono e a falta de mantemento da desembocadura do río Ouro” e sinala a confluencia de máis deficiencias na zona: o desvío do río por outro canal diferente, o tubo do emisario á vista, a falta de mantemento do paseo e de limpeza na praia que permita dotar á zona dun areal aproveitable e dun espazo seguro. Balseiro tamén subliña que “pode haber enchentes ou outros problemas que afecten ás vivendas e outras propiedades situadas á beira do río”.
O senador popular afea “a falta de peso do PSOE de Foz” despois de que a portavoz socialista do goberno asegurara que “levaban moito tempo co tema” porque, de ser así, “o que demostran é que os seus compañeiros do PSOE no Goberno do Estado non lle fan caso aos socialistas de Foz”.
Os populares urxen ao Goberno de Sánchez a actuar, pero tamén reclaman “actuacións periódicas para garantir o correcto estado da desembocadura do río Ouro ao longo do tempo”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
