Ribadeo, 21 de maio de 2026. Ribadeo mellora as infraestruturas no barrio de Santa Cruz e noutras parroquias do municipio.
O alcalde, Dani Vega, contou que “seguimos mellorando as nosas infraestruturas, as nosas vías de comunicación, cun orzamento de 372.000 euros e actuamos en moitas delas, actuamos en A Devesa, en Vilaframil, en Vilaselán, en Piñeira, en Ove ou en Couxela. Isto sería o plan no que estamos actuando nestes momentos. Xa estamos para licitar o segundo Plan Único, que tamén vamos actuar neste ano en moitas parroquias e agora o que queremos é informar de que estamos rematando xa as obras, que vamos facer máis cousas das que tiñamos previstas, por exemplo a recollida de augas pluviais e fecais que estaban danando as estradas. En Santa Cruz pasaba a auga por toda a estrada e iso destrozou todo o pavimento e agora vamos a recoller todo e sanear todas as estradas”.
Para o rexedor “son actuacións importantes, non só de mellora do pavimento, senón tamén de mellora para recoller as augas e separar pluviais e fecais. Algunhas son actuacións que se ven como é o pavimento aglomerado e actuacións que non se ven tanto cando entubas toda esta recollida de auga e a separación de ambas. O que é importante é que estamos actuando para mellorar as estradas, para mellorar as nosas infraestruturas. En moitas parroquias era bastante complicado pasar por algunha delas, por exemplo na Devesa actuamos en cinco puntos que eran intransitables ou en Vilaselán, en Xandabaixo, era imposible pasar e é unha vía de comunicación importante que comunica as superficies comerciais de Ribadeo coa parroquia. Ou tamén en Ove, onde era imposible que no barrio de Santa Cruz entraran con tranquilidade cos coches porque está destrozada e a auga estaba pasando por enriba da estrada ou en Couxela e de igual maneira era imposible pasar por esta estrada de Maizán”.
Vega subliñou: “son melloras importantes, son 372.000 euros. Xa estamos redactando para publicar e así licitar as obras do seguinte Plan Único. E destacar que o Plan Único é fundamental para os Concellos, o plan da Deputación que dota a todos os Concellos dun orzamento importante para mellorar as infraestruturas, tamén estamos a falar de emprego ou tamén daquilo que destinamos ao Servizo de Axuda no Fogar”.
O alcalde insistiu en que “seguimos traballando nesta planificación de mellorar as infraestruturas, xa sabemos que están moitas delas moi mal, somos conscientes, pero no tempo que levamos estamos arranxando e investindo en moitas estradas que levaban anos e anos destrozadas e agora pódese pasar por elas. Vamos seguir nesa liña, na de planificar e mellorar puntos que son fundamentais para todos. Esta inversión de 372.000 euros é unha inversión fundamental para mellorar as vías de comunicación das nosas parroquias”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
