“Queremos saber cal foi a razón exacta de por que non se están realizando os exames e se, en todo caso, a nova zona que presentou o alcalde posúe todos os permisos para poder facer as probas” sinala Javier Castiñeira
Foz, 22 de maio de 2026. O Partido Popular de Foz pregunta ao alcalde cal é o motivo polo que esta semana non se realizaron no municipio os exames prácticos de camión, tal e como estaba previsto.
O portavoz popular, Javier Castiñeira, explica que esta situación xerou un importante malestar entre os aspirantes, moitos dos cales tiveron que desprazarse a outros lugares para poder facer as probas.
Segundo indica Castiñeira, o goberno local anunciou recentemente “a bombo e platillo” o cambio de zona de examinación, que anteriormente se realizaba en Marzán, detrás do pavillón, e que agora foi trasladada polo executivo municipal ao parque industrial de Foz.
Desde o PP aseguran descoñecer se a nova localización conta coa autorización necesaria por parte da Dirección Xeral de Tráfico para poder desenvolver este tipo de probas prácticas.
“Queremos saber cal foi a razón exacta de por que non se están realizando os exames e se, en todo caso, a nova zona que presentou o alcalde posúe todos os permisos para poder facer as probas”, sinala Javier Castiñeira.
Os populares subliñan que numerosos veciños lle trasladaron o seu enfado pola situación, especialmente despois de que se anunciara o inicio das probas na nova zona do parque industrial.
Por todo iso, o PP de Foz reclama explicacións ao alcalde e pide que se aclaren canto antes os motivos polos que esta semana non se celebraron os exames prácticos de camión no municipio.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
