A Mariña, 1 de xuño de 2026. A Mancomunidade de Concellos da Mariña Lucense inicia o proceso de ampliación e seguimento do Sistema Integral de Calidade Turística Española en Destinos (SICTED) para este 2026, abrindo un novo período de adhesión dirixido ás empresas e servizos turísticos da comarca. O prazo para presentar as solicitudes permanecerá aberto ata o vindeiro 12 de xuño.
A adhesión ao SICTED na Mariña é totalmente gratuíta e contempla a realización de catro seminarios formativos e diversas visitas individualizadas para os establecementos participantes. As prazas estarán limitadas por sectores para garantir unha representación equilibrada dos servizos adheridos.
As persoas interesadas en obter máis información ou formalizar a súa adhesión deben contactar a través do correo electrónico turismo@amarinalucense.gal ou no teléfono 654 089 894. Está previsto que o proceso para as novas empresas adheridas comece cunha formación presencial o día 16 de xuño máis unha visita individual tamén durante o mes de xuño para logo retomar o traballo durante os meses de setembro e outubro.
Na actualidade a Mancomunidade conta con 39 servizos turísticos adheridos dos sectores do aloxamento, restauración, guías, oficinas de turismo, museos, artesáns e turismo activo. Esta nova convocatoria supón un paso máis no compromiso de creación dun sector turístico diverso e de calidade. Nesta liña, a Mancomunidade abre o acceso a novos servizos, convidando tamén a experiencias agroturísticas, taxis turísticos e empresas de alugueiro de vehículos da Mariña a formar parte deste sistema, que tamén sumará novas marcas en categorías xa presentes.
Calidade e sostibilidade
Este novo avance no SICTED na Mariña desenvólvese ao abeiro do Plan de Sostibilidade Turística, cofinanciado pola propia Mancomunidade, a Xunta de Galicia e a Secretaría de Estado de Turismo, “e ten como obxecto principal sumar esforzos dos diferentes axentes e empresas que participan no sector turístico da Mariña, para traballar conxuntamente pola calidade, un turismo responsable e a mellora do destino”, en palabras da presidenta da Mancomunidade de Concellos da Mariña, Rocío López.
Este ano ademais o SICTED, promovido pola Secretaría de Estado de Turismo (SETUR), co apoio da Federación Española de Municipios y Provincias (FEMP), trae interesantes novidades. Logo de 25 anos de traxectoria, renóvase para adaptarse á evolución do sector turístico e aos novos retos do modelo turístico español. O programa pasa a definirse como Sostibilidade, Intelixencia e Calidade Turística no Ecosistema do Destino, avanzando cara a un modelo de turismo máis responsable que integra a calidade coa sostibilidade e co uso de ferramentas tecnolóxicas avanzadas.
Nesta nova etapa, o SICTED mantén a calidade como eixo fundamental da competitividade turística, incorporando ademais a sostibilidade nas súas dimensións económica, social e ambiental. O obxectivo é reforzar o papel dos destinos e das pequenas empresas turísticas dentro do ecosistema turístico español, ofrecendo ferramentas máis útiles, flexibles e adaptadas ás necesidades reais do sector.
Entre as principais novidades destaca o cambio de denominación do distintivo, que pasa de Compromiso de Calidade Turística a Compromiso de Turismo Responsable. O programa incorpora tamén unha nova plataforma dixital con intelixencia artificial, simplifica os procesos de avaliación e amplía a vixencia do distintivo de dous a tres anos. Así mesmo, adapta os seus manuais á Estratexia de Turismo España 2030 e aos Obxectivos de Desenvolvemento Sostible (ODS).O novo enfoque foi presentado o pasado 15 de abril durante o XVII Foro SICTED e marca o inicio da implantación do novo modelo nos destinos turísticos.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
