Trabada, 1 de xuño de 2026. O alcalde de Trabada, Rubén García, asinou o contrato e fixo entrega da vivenda habilitada na antiga escola de mestres da parroquia de Valboa, que pasa a incorporarse ao proxecto municipal de vivenda en alugueiro social impulsado polo Concello.
Esta é xa a quinta vivenda entregada, tras as habilitadas nas antigas escolas de Vidal, Vilapercide, Trabadela e Sante, dentro dunha iniciativa coa que o Concello continúa traballando para dar unha segunda vida a edificios que formaron parte da historia e da memoria colectiva de moitas xeracións de veciños e veciñas de Trabada.
Neste caso, a vivenda contará cun alugueiro social de arredor de 140 euros mensuais, buscando ofrecer alternativas accesibles nun contexto marcado pola dificultade de acceso á vivenda e o incremento dos prezos do alugueiro.
O alcalde, Rubén García, destacou que “seguimos avanzando nun proxecto co que recuperamos patrimonio municipal, damos uso a inmobles emblemáticos das nosas parroquias e, ao mesmo tempo, ofrecemos solucións reais en materia de vivenda”.
Así mesmo, sinalou que “estas actuacións forman parte tamén da nosa estratexia para facer fronte ao reto demográfico e á problemática actual do acceso á vivenda, especialmente no rural”.
Desde o Concello de Trabada subliñan que continúan traballando na rehabilitación das antigas escolas que permanecen pendentes de actuación para seguir incorporando novas vivendas ao parque municipal de alugueiro social.
Ademais, o rexedor avanzou que nas vindeiras semanas presentarase un novo plan de vivenda para o Concello de Trabada.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
