O voceiro popular asegura que “seguiremos exercendo unha vixilancia rigorosa das decisións de PSOE e BNG á fronte do goberno provincial para conseguir unha Deputación máis xusta, eficaz e igualitaria” para todos os veciños da provincia, independentemente do municipio no que residan
Lugo, 16 de mes de 2026. Os deputados do Grupo Provincial Popular destacan que grazas á presión política e a labor de fiscalización realizados ao longo dos últimos anos “conseguimos que o goberno provincial de PSOE e BNG rectifique en cuestións de especial relevancia para a provincia”.
Así o destacou o voceiro provincial popular, Antonio Ameijide, que recordou que durante os últimos meses non lles deixamos outro remedio que modificar o rumbo do goberno provincial evidenciouse en numerosos exemplos.
Un deses casos, dos máis evidentes, é a readmisión dos traballadores de Suplusa que se derivaron hai anos a Tragsa. “Foron moitos anos co PSOE e o BNG negando a realidade da situación e mesmo rexeitando a readmisión destes empregados no pleno provincial; pero tras gañar unha sentenza no Tribunal Supremo ao goberno provincial non lle quedou máis remedio que acatar a resolución xudicial, na que que se dá a razón ás reivindicacións defendidas polo Partido Popular”, destacou.
Como consecuencia, o PSOE e o BNG non tiveron máis remedio que readmitir aos traballadores dos que prescindira hai varios anos.
Antonio Ameijide puxo tamén como exemplo a residencia de maiores de Becerreá. PSOE e BNG teñen que atender as demandas formuladas polos veciños, o Concello de Becerreá e o Grupo Provincial Popular, así como cumprir cunha resolución xudicial que avala a posta en funcionamento destas instalacións. Trátase dunha boa e esperada noticia para os veciños de Becerreá e de toda a comarca, que poderán beneficiarse de 96 prazas de residencia e 40 de centro de día, uns servizos moi necesarios que deben entrar en funcionamento canto antes.
Na mesma liña, PSOE e BNG víronse obrigados a rectificar na súa política de conservación das estradas provinciais. Durante anos, os deputados do Grupo Provincial Popular denunciaron o abandono da rede viaria da Deputación e a falta de mantemento das infraestruturas. Unha situación que derivada da ausencia de planificación e nulo mantemento xa que “este tipo de traballos non permiten inauguracións nin fotografías para a propaganda política, pero que son fundamentais para garantir a seguridade e a mobilidade dos veciños”.
Antonio Ameijide tamén destacou outros ámbitos nos que PSOE e BNG tiveron que dar marcha atrás nas súas decisións, como é o caso dos clubs náuticos, “noutra mostra de que a acción de control e a defensa do interese xeral exercida polo Partido Popular é imprescindible para corrixir erros e evitar prexuízos para a provincia”.
Desde o Grupo Provincial Popular destacan que todos estes cambios son consecuencia directa “do intenso traballo de fiscalización que realizamos día a día, analizando cada expediente, cada acordo e cada Xunta de Goberno”. “Unha tarefa rigorosa e que leva moito tempo, pero que ten como obxectivo conseguir unha Deputación máis xusta, máis transparente e máis igualitaria para todos os veciños, independentemente do municipio no que residan”, destacou.
Antonio Ameijide considera que, tras anos protagonizados pola falta de transparencia e por unha forma de gobernar afastada do diálogo e da participación, a Deputación “necesita recuperar o respecto polos principios de igualdade, eficacia e boa xestión, algo para o que seguiremos exercendo unha oposición firme, responsable e vixiante para defender os intereses de todos os lucenses”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
