Viveiro, 15 de xuño, 2026. O BNG de Viveiro presentou un total de 32 alegacións ao estudo de alternativas para a variante de Viveiro, nas que reclama descartar aquelas opcións que rompen co modelo de Vía de Alta Capacidade (VAC) previsto historicamente para a Costa Norte.
A portavoz municipal, Iria Cotelo, subliña que “non ten sentido que despois de máis de vinte e cinco anos de planificación, estudos e acordos institucionais se pretenda agora substituír unha Vía de Alta Capacidade por unha estrada convencional que non responde ás necesidades reais de Viveiro”.
Cotelo lembra que a integración da variante na VAC Costa Norte é un compromiso adquirido pola propia Xunta e avalado durante décadas polos documentos estratéxicos e polas demandas sociais e económicas de Viveiro e da Mariña.
A variante, avalada pola planificación da Xunta desde hai máis de dúas décadas
O BNG, co asesoramento técnico do concelleiro e enxeñeiro de Camiños Seve Salgueiro, lembra que a necesidade dunha variante integrada na VAC Costa Norte está recollida en múltiples documentos oficiais:
– Plan Director de Infraestruturas de Galicia 2001-2010, que xa contemplaba esta infraestrutura.
– Redefinición posterior como Vía de Alta Capacidade con posibilidade de desdobramento futuro.
– Resolución da Xunta do 4 de xullo de 2006, que aprobou a información pública e o impacto ambiental da variante dentro da VAC Ferrol–Barreiros.
Por este motivo, o BNG considera que as alternativas 4 e 5 deben ser descartadas, ao tratarse de estradas convencionais que non cumpren nin coa planificación oficial nin co contrato de actualización da VAC Costa Norte adxudicado en 2018.
Críticas ao estudo comparativo da Xunta
Nas alegacións, o BNG cuestiona a validez do estudo comparativo elaborado pola Xunta. Segundo a formación, non se trata dunha análise real de alternativas para un mesmo obxectivo, senón dunha comparación entre infraestruturas con características e finalidades distintas.
Tamén critica a metodoloxía da análise multicriterio por:
– Carecer dun criterio claro para normalizar indicadores
– Non incluír unha análise de sensibilidade dos pesos
– Incorporar valoracións que poden introducir sesgos
“A Xunta non pode comparar opcións distintas coma se perseguisen o mesmo obxectivo. Unha VAC e unha estrada convencional non ofrecen o mesmo servizo nin resolven os mesmos problemas”, afirma Cotelo.
Deficiencias na avaliación económica
O BNG denuncia que o estudo emprega distintos niveis de detalle para calcular os custos das alternativas, o que impide unha comparación rigorosa. Ademais, non se valoran os beneficios de desviar o tráfico da LU-540 ao seu paso por Magazos e Landrove, tanto en termos económicos como de seguridade viaria e calidade de vida.
Propostas do BNG
Entre as alegacións, o BNG solicita:
– Revisar os criterios funcionais (adiantamentos, eliminación de interseccións ao mesmo nivel, tempos de percorrido, capacidade de desdobramento)
– Unha nova avaliación da integración territorial
– Ter en conta que só as alternativas 1 e 2 están recollidas no PXOM de Viveiro, achegando maior seguridade xurídica
– Reconsiderar a afectación real das alternativas 4 e 5 sobre Magazos e A Calzada
– Revisar o número de vivendas afectadas
Impacto patrimonial e ambiental
O BNG considera insuficiente a análise patrimonial e ambiental, especialmente pola proximidade da alternativa 5 ao casco histórico e a elementos patrimoniais relevantes. Tamén destaca que unha variante completa afastaría o tráfico pesado do río Landro e das áreas residenciais, mellorando a protección ambiental e a seguridade.
“Unha infraestrutura clave para o futuro de Viveiro”
“Estamos a falar dunha infraestrutura clave para o futuro de Viveiro e de toda a Mariña. Necesitamos unha solución que mellore a mobilidade, aumente a seguridade e respecte os compromisos adquiridos, non un proxecto rebaixado que condene á veciñanza a seguir soportando o tráfico pesado nas actuais travesías”, conclúe Cotelo.
O BNG defende que Viveiro precisa dunha solución coherente coa planificación aprobada nos últimos vinte e cinco anos e que responda ás necesidades de mobilidade, desenvolvemento económico e seguridade da poboación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
