Rosana Pérez critica a falta de peso político da Consellería e reclama que se reinvistan este ano os máis de 71 millóns non executados o pasado ano
Santiago de Compostela, 23 de xuño, 2026. A portavoz de Pesca do BNG no Parlamento, Rosana Pérez, denunciou que a Consellería do Mar deixou sen executar o pasado exercicio case un terzo dos orzamentos inicialmente asignados, e iso malia a “alarmante” situación que atravesa o sector, nomeadamente o marisqueiro, especialmente castigado este ano pola falta de produtividade das rías galegas e as consecuencias do tren de temporais.
“Os orzamentos de Mar só indican dúas cousas: que prima a propaganda, os anuncios, a publicidade e os reclamos que non van máis alá diso e, por outro lado, o deterioro crecente e xa crónico dun sector e dunhas rías que vostedes son incapaces de refrotar e que a día de hoxe están nunha situación de abandono xa cronificado”, denunciou Rosana Pérez, que criticou a irrelevancia e o escaso peso político da Consellería no organigrama do Goberno do PP.
Segundo detallou a deputada nacionalista, os 220,7 millóns de euros do orzamento inicial da Consellería do Mar para 2025 quedaron reducidos a 149, o 67,5 %, practicamente un terzo do previsto nas Contas aprobadas polo Parlamento. É dicir, quedaron sen executar 71,7 millóns, o 32,5 %.
Ademais, destacou, esta non é unha práctica só do último exercicio. Desde 2023, os orzamentos da Consellería do Mar incrementáronse en 8,8 millóns de euros (211,9 millóns de euros en 2023; 214,5 en 2024 e 220,7 en 2025). Nese mesmo período, Mar deixou sen executar “nada máis e nada menos” que 224,6 M€ , dos que 123 correspondían a 2024, “o peor ano da historia do sector do mar e do marisqueo galego en particular”.
“E dicir, en tres anos cargáronse o orzamento total da Consellería para este ano 2026”, sintetizou a portavoz nacionalista de Pesca, que cualificou esta práctica orzamentaria de “auténtico escándalo, nula xestión e estrago absoluto dos recursos públicos”. “Onde están eses cartos”?, preguntouse, para a continuación reclamar que sexan devoltos “cada vez máis pequeno e que ve como cada ano entran máis toneladas de marisco foráneo e a unhas rías cada vez peor xestionadas e coidadas”.
Ese é, precisamente, o obxectivo da iniciativa que o BNG defendeu na Comisión 8ª para, en concreto, reclamarlle o PP na Xunta que reinvista este ano os 71,6 millóns que quedaron sen executar do 2025, “atendendo prioritariamente ás eivas máis notorias do sector do mar” e, nomeadamente, a establecer medidas a curto e medio prazo para evitar a continua perda de produtividade das rías galegas e a consecuente mingua de postos de traballo (case 950 desde 2010 só no marisqueo a pé), a incrementar as partidas destinadas á investigación do medio mariño e as dirixidas a promover a remuda xeracional.
O BNG reclamou tamén, a través da proposta debatida, eliminar definitivamente a “práctica recorrente” de desviar partidas dos orzamentos de Mar a outras seccións e desenvolver as accións precisas para acadar un nivel de execución orzamentario anual do 100 % da Consellería.
“Déixense de tanta propaganda e actúen responsablemente dunha vez, antes de que acaben con todo”, emprazou a deputada nacionalista aos deputados do PP, que votaron en contra da proposta do Bloque.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
