Cervo, 17 de xuño do 2026. A alcaldesa de Cervo, Dolores García Caramés, e o concelleiro Alfredo Fernández, recibiron na Casa do Concello ao equipo e ao corpo técnico da sección de tenis de mesa do C.D. San Ciprián para felicitalos polo histórico ascenso a Segunda Nacional, logrado tras proclamarse campións do Grupo Norte de Terceira Nacional.
O conxunto sancibrense completou unha brillante tempada, na que competiu por cuarto ano consecutivo na categoría de Terceira Nacional, acadando o primeiro posto da clasificación e certificando así o salto á Segunda Nacional, un fito que consolida o excelente traballo desenvolvido polo club nos últimos anos.
A alcaldesa quixo destacar “o esforzo, a constancia e o compromiso demostrados por todo o equipo ao longo da tempada, levando o nome de Cervo por toda a xeografía do norte peninsular e converténdose nun exemplo de superación e dedicación”.
Dolores García Caramés tamén puxo en valor o labor que realiza o club coa base, fomentando a práctica deportiva entre os máis novos e contribuíndo á formación de futuras xeracións de deportistas.
Como mostra de recoñecemento por este importante logro deportivo, a alcaldesa fixo entrega ao club dun prato institucional personalizado de cerámica de Sargadelos, desexándolles moitos éxitos nesta nova etapa en Segunda Nacional.
A sección de tenis de mesa do C.D. San Ciprián comezou a participar en competicións no ano 1993 e, tras un longo parón, retomou a actividade competitiva en 2018. Desde entón, o seu crecemento foi constante, acadando primeiro o ascenso a Terceira Nacional e culminando agora cun novo éxito deportivo ao proclamarse campión do Grupo Norte e ascender a Segunda Nacional.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
