O popular preguntarán ao Executivo durante canto tempo se prolongará esta situación e que medidas adoptará para garantir a asistencia prevista
A Mariña, 3 de xullo de 2026. O senador mariñán José Manuel Balseiro rexistrará unha iniciativa no Senado para pedir explicacións ao Goberno de Pedro Sánchez pola ausencia de buzos a bordo do buque hospital Juan de la Cosa, unha embarcación de titularidade estatal que presta servizo á frota pesqueira española e, concretamente, á frota boniteira en augas do Cantábrico.
O popular traslada así a preocupación expresada pola frota mariñá, que lle advertiu que este buque, chamado a ofrecer apoio sanitario, técnico e loxístico ás embarcacións, non dispón actualmente do persoal especializado de mergullo que debería formar parte da súa dotación.
Ante esta situación, o senador lucense dirixirase formalmente ao Executivo para coñecer as razóns polas que o Juan de la Cosa non conta cos buzos previstos, desde cando se produce esta circunstancia, canto tempo se prolongará esta situación, se o Goberno ten previsto cubrir estas prazas e que medidas pensa adoptar para garantir que a frota pesqueira reciba a asistencia á que ten dereito.
O popular lembra que a presenza de buzos neste tipo de embarcacións constitúe un servizo de gran importancia para atender incidencias que poidan producirse no mar e que requiran intervencións especializadas, contribuíndo así á seguridade dos buques e das súas tripulacións, polo que en caso de emerxencia contar con eles a bordo sería factor clave para chegar a tempo.
Neste sentido, considera preocupante que “un recurso público destinado a ofrecer asistencia integral á frota non estea a prestar todos os servizos para os que foi creado”, especialmente nun período de intensa actividade pesqueira como o actual.
Cómpre lembrar que o Juan de la Cosa, xunto co Esperanza del Mar, son dous buques pertencentes á Administración da Seguridade Social, deseñados para prestar asistencia sanitaria e apoio loxístico aos barcos pesqueiros españois en calquera caladoiro e para operar en todos os mares do mundo, mesmo en condicións meteorolóxicas extremas.
O senador do PP por Lugo considera que o Goberno ten a obriga de garantir que ambos os dous buques conten en todo momento cos medios humanos e materiais necesarios para cumprir plenamente coa súa misión, ofrecendo un servizo eficaz e seguro aos profesionais do mar.
Por este motivo, reclamará ao Executivo información detallada sobre esta situación e esixirán que se adopten, coa máxima celeridade, as medidas necesarias para restablecer un servizo que consideran esencial para a actividade pesqueira e para a seguridade das tripulacións.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
