Viveiro, 30 de xullo, 2026. A alumna Antía, do IES O Perdouro de Burela, participou este mércores nunha nova experiencia de embarque do proxecto Relevo Xeracional: O Futuro do Mar, unha iniciativa promovida polos oito Grupos de Acción Local do Sector Pesqueiro (GALP) de Galicia, en colaboración coa Consellería do Mar e o Fondo Europeo Marítimo, de Pesca e de Acuicultura (FEMPA). O obxectivo é achegar a mocidade á realidade do sector marítimo‑pesqueiro e favorecer o relevo xeracional. Grazas a esta actividade, Antía puido coñecer de primeira man o traballo diario dunha embarcación de pesca con nasas e a importancia da sustentabilidade na actividade pesqueira.
A xornada desenvolveuse no territorio do GALP A Mariña‑Ortegal, a bordo do pesqueiro Virxen do Rocío, patroneado por Miguel Ángel, que partiu do porto de Burela ás sete da mañá. A alumna estivo acompañada pola tripulación e pola técnica do GALP, Verónica, vivindo desde dentro todas as fases dunha xornada real de traballo no mar, desde a saída a faenar ata a descarga do produto na lonxa.
Durante a mañá, a embarcación dedicouse á pesca con nasas para a captura de nécoras e polbos. Antía puido aprender como se prepara o cebo, o proceso de largado e virado das nasas e o esforzo diario que require esta modalidade de pesca, participando activamente baixo a supervisión da tripulación.
A experiencia serviu tamén para comprender a importancia da pesca responsable e da conservación dos recursos mariños. Capturáronse exemplares de santiaguiños que foron devoltos ao mar por atoparse fóra da tempada autorizada, e todas as especies que non alcanzaban a talla mínima regulamentaria regresaron ao seu hábitat. A alumna coñeceu así a relevancia de respectar a normativa pesqueira para garantir a sustentabilidade dos recursos.
Segundo explicou a tripulación, non foi unha das mellores xornadas de pesca debido ás condicións do mar —moi calmado— e á influencia da lúa chea, factores que adoitan afectar á actividade pesqueira. Con todo, esta circunstancia permitiu a Antía entender que o traballo no mar depende tamén das condicións naturais e da capacidade dos profesionais para adaptarse a elas.
A embarcación regresou ao porto arredor das 15:00 horas, completando unha xornada de oito horas na que Antía puido descubrir todas as fases da actividade pesqueira.
Os embarques constitúen unha das accións máis representativas do proxecto Relevo Xeracional: O Futuro do Mar, ao permitir ao alumnado vivir experiencias reais xunto aos profesionais, coñecer o valor do seu traballo e descubrir as múltiples oportunidades laborais dun sector esencial para o desenvolvemento económico, social e cultural das comunidades costeiras galegas.
Con iniciativas como esta, o proxecto continúa reforzando a conexión entre o sistema educativo e o sector marítimo‑pesqueiro, promovendo a Formación Profesional Dual e contribuíndo a espertar novas vocacións entre a mocidade galega para garantir o futuro das profesións do mar.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
