Lugo, 25 de setembro, 2026. A Deputación de Lugo deu este venres un novo paso na mellora da rede viaria provincial coa aprobación da adxudicación das obras de acondicionamento de dous treitos das estradas LU-P-1503 e LU-P-1505, situadas no concello de Cervo. Os traballos, que executará a empresa Desarrollos y Metas SL, contan cun investimento total de 245.146 euros e permitirán actuar en case catro quilómetros de vías.
Na estrada LU-P-1503, que conecta Río Covo con Vilaestrofe pasando por Trasbar, acometerase a mellora dun treito de 1,75 quilómetros, entre os puntos quilométricos 2,608 e 4,360. Esta intervención dará continuidade ás obras xa realizadas pola Deputación nos primeiros tres quilómetros desta vía, considerada estratéxica pola súa conexión coa LU-P-1502, que enlaza con Burela e co Hospital da Mariña.
As melloras beneficiarán directamente aos veciños e veciñas de Trasbar e Castelo, así como ás parroquias próximas, ao tratarse dunha vía que comunica con espazos deportivos como os campos de fútbol da Granda (Rúa) e da Chá (Vilaestrofe), ademais do Miradoiro de Monte Castelo, un dos principais atractivos turísticos da Mariña.
A segunda actuación desenvolverase na LU-P-1505, que une o núcleo urbano de Cervo coa N-642, Sargadelos e San Román de Vilaestrofe. Neste caso, mellorarase un treito de case dous quilómetros, entre os puntos 2,190 e 4,111.
Os traballos previstos inclúen a limpeza de cunetas, mellora do drenaxe, corrección de deficiencias en curvas, estendido de aglomerado en quente e pintado da sinalización horizontal. O prazo de execución é de catro meses.
Con estas actuacións, a Deputación reforza a seguridade e comodidade das comunicacións internas de Cervo e mellora o acceso a puntos de interese social, deportivo e turístico do municipio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
