Ribadeo, 7 de decembro de 2018. Ribadeo acollerá os días 29 e 30 de xuño de 2019 o campionato de España de seleccións autonómicas de rugby feminino. Este evento foi presentado hoxe no salón de plenos do Concello ribadense cun acto no que participaron o alcalde, Fernando Suárez; os concelleiros de Deportes e de Igualdade, David Rivas e Mariluz Álvarez; o presidente da Federación Galega de Rugby, Nacho Cociña; o seleccionador galego da autonómica feminina de rugby, Jos Portos; o adestrador do club Be One Ribadeo Rugby, Guillermo Fernández; e Roberto Ramos, que é o director xeral de Be One, empresa que patrocina ao equipo ribadense e á selección galega.
O concelleiro de Deportes ribadense salientou que “no concello de Ribadeo non quixemos deixar pasar esta oportunidade histórica que se nos brindou para apoiar e promocionar o deporte feminino, neste caso o rugby, e aceptamos con moita ilusión ser sede dun Campionato de España de seleccións autonómicas. Tendo en conta que hai apenas 3 anos o rugby non existía en Ribadeo e hoxe temos un club consolidado facendo un gran traballo, quixemos dar un paso adiante e acoller este importante torneo. Máis se cabe porque Galicia é a actual campioa, tamén porque nese combinado estaba a xogadora ribadense Ana Iglesias, que seguro que volverá estar presente neste vindeiro ano, así como agardamos a presenza de Tania García, a outra xogadora ribadense do CRAT A Coruña”.
David Rivas engadiu: “é por isto que nos pareceu unha ocasión inmellorable para acoller e arroupar ás nosas xogadoras na súa casa, e agardamos que Ribadeo responda cunha boa afluencia de público que vai disfrutar da elite do rugby español feminino, nun campionato onde se van dar cita a maior parte de xogadoras da selección española, actual campioa de Europa”.
No mesmo senso se pronunciaron o alcalde e a concelleira de Igualdade. O edil de Deportes tamén se referiu ao impacto económico que este evento deportivo terá en Ribadeo: “debemos así mesmo destacar o importante impacto que supoñen na economía ribadense 16 seleccións de entre 15 e 18 integrantes cada unha, máis as respectivas afeccións, nunha fin de semana na que Ribadeo será o centro de todas as miradas no mundo do rugby”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
