Ribadeo, 8 de decembro de 2018. A Concellaría de Deportes organiza a carreira San Silvestre 2018, que se celebrará na tarde do último día do ano.
O recorrido da carreira para os adultos, cunha distancia de 5.000 metros, sairá ás 17:00 horas entre os dous parques, segue por Clemente Martínez Pasarón, avenida de Asturias, José Pérez Martínez, avenida de Galicia, rúa Virxe do Camiño, calexón de Picarolas, rúas Carlos III, Julio Lazúrtegui, San Roque, Rosalía de Castro, Camiño das Barreiras, Leopoldo Calvo Sotelo, Rodríguez Murias, Ramón González, Doctor Moreda, Reinante e Villafranca do Bierzo, para rematar na praza de España, diante do Concello. “A novidade deste ano, por mor das obras que se realizan na rúa San Roque, é que o percorrido varía un pouco e pasará por Picarolas, Carlos III e Julio Lazúrtegui”, subliñou o concelleiro de Deportes, David Rivas.
Nas categorías inferiores a saída será a partires das 16:40 horas, para pituf@s, nad@s en 2015, 2016, 2017 e 2018, a distancia será de 100 metros e a saída terá lugar diante da oficina de turismo e a chegada diante do Concello. Nas categorías de Iniciación e Prebenxamín, o recorrido terá unha distancia de 400 metros e consistirá nunha volta ao parque de San Francisco. Nos casos de Benxamín e Alevín, a distancia será de 1.150, 37 metros e percorrerán as rúas peonís de Ribadeo.
A inscrición é gratuíta. As anotacións na carreira absoluta e menores con DNI poderá facerse a través de internet en www.championchipnorte.com ata o xoves 27 de decembro, ás 23:59 horas. Ademais as inscricións tamén poderán formalizarse de xeito presencial nas oficinas de deportes e información xuvenil do Concello de Ribadeo (OMIX), Casa da Xuventude, antes do xoves 27 de decembro, ás 14:00 horas; e por mail enviando os datos, antes das 14:00 horas do 27 de decembro, á dirección de correo electrónico deportes@ribadeo.org.
Haberá medallas para os tres primeiros de cada categoría (masculino e feminino) e trofeos e premios en metálico para os tres primeiros homes e mulleres da categoría absoluta, igual que para os tres primeiros homes e tres primeiras mulleres ribadenses. Tamén haberá trofeos para o corredor e corredora máis veteran@ en rematar a proba.
A San Silvestre 2018 foi presentado polo alcalde, Fernando Suárez, polo concelleiro de Deportes, David Rivas, polo atleta local Aleix Díaz, e polo técnico municipal de Deportes, Iván López.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
