Viveiro 12-12-18. A poucos días de rematar o 2018, desde o Centro Comercial Casco Histórico de Viveiro facemos balance de tódalas actividades levadas a cabo dende a Asociación ó longo deste ano.
Foron moitas as iniciativas postas en marcha, con gran aceptación por parte dos clientes, como a campaña do 20% de desconto ou Shopping Weekend, campaña de Rebaixas de verán e inverno, a campaña Fora Stocks con miles de artigos a uns prezos de ganga, San Valentín cun sorteo dunha viaxe a París, o Día do Pai con caricaturas en directo con papá, o Día da Nai co sorteo dun espectacular diamante, a Feira de Stocks, o Black Friday, o PrerresuFest coa exposición da historia do festival, as visitas guiadas de Semana Santa co historiador Suso Martínez, Teatro na Rúa co grupo Ardora, e a 1ª edición da Feira de Vodas cun éxito absoluto. Tamén participamos no Sorteo da Fcam con 10.000€ en premios, a campaña de Os Días Azuis da Dirección Xeral de Comercio, e Merca e Gaña polo Nadal da Deputación de Lugo, así como a rotulación de sete traseiras de autobuses con publicidade do CCHV. Recibimos ós navegantes da Travesía “Navega o camiño” co grupo de gaitas Os Valuros. Temos Juepeo (os Xoves en Viveiro Tapeo) ó longo de case todo o ano, e o Concurso de Tapas anual que atrae xente de toda a provincia. Puxémonos un pouco serios para arrancar a campaña en defensa do comercio local, empapelando os escaparates, deixando Viveiro a escuras, ou poñendo vinilos no chan con 30 motivos polos que mercar no comercio local. E para rematar o ano converteremos Viveiro en referente para visitar e mercar este Nadal, a decoración de rúas con luces, fío musical con panxoliñas e abetos naturais que vestirán o centro urbano creando un ambiente moi festivo. Sortearemos 1.500€ en premios na Ruleta do Nadal, 120.000 números para o sorteo de 3 soldos de 1.200€. A Casiña de Papá Noel que despois se converterá na Casiña Solidaria para recoller alimentos e xoguetes en colaboración con Dignidade Viveiro. Unha árbore de luces de 9 metros fará aínda máis luminoso Viveiro, e o coro Tempus Fugit deleitaranos cas súas voces.
Son máis de 30 campañas con 12.000€ en premios en vales de compra e 3.000€ en premios físicos.
Todo isto coa fin de reforzar o compromiso cos nosos clientes e asociados, transmitindo o necesario que é mercar no comercio local e as vantaxes que supón. Trátase de poñer en valor as compras no comercio tradicional, onde o trato é persoal e próximo, con asesoramento profesional, artigos de calidade e a prezos que poden abarcar todo tipo de petos, e o máis importante, están aquí ó lado, sen necesidade de desprazamentos, ofrecendo algo que en ningún outro lado poden ofrecer: un Centro Comercial Aberto que invita a pasear, desfrutar das súas rúas e do aire libre.
Pero non nos centramos unicamente en campañas promocionais, senón que ó longo do ano prestamos apoio e colaboración a distintas organizacións da zona que realizan actividades culturais, deportivas, medioambientais ou proxectos sociais. Tamén colaboramos coa Policía Nacional co Plan de Comercio Seguro, e xestionamos cantidade de ofertas de emprego para negocios asociados.
As novas liñas de traballo pasan por impulsar a unión de todo o comercio viveirense, para lograr unha Asociación máis forte e afianzar o peso que ten en toda a comarca, sendo un referente comercial en moitos quilómetros á redonda.
A Viveiro chegan clientes de toda a Mariña e Ortegal, atraídos pola gran oferta comercial, de servizos e de lecer que ofrece a cidade do Landro. A Asociación seguirá traballando por mellorar o atractivo comercial e o poder de atracción da zona, lanzando novas promocións e servizos tanto para clientes como para negocios asociados.
Dende a asociación, dámos as grazas a todos os que fixeron posible o éxito de todo este ano de traballo, institucións como Xunta de Galicia, Deputación de Lugo e Concello de Viveiro, ós socios que apoian todas e cada unha das actividades que realizamos, e sobre todo ós nosos clientes… “Entre todos, facemos que o Centro Comercial de Viveiro sexa máis que un Centro Comercial”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
