Lugo. 13 de decembro, 2018. O Grupo Provincial do PP denuncia a intención da Deputación de Lugo de retrasar a apertura das residencias de maiores “cando menos ata o seguinte mandato, en xuño de 2019”. Así o demostra o feito de que veñan de licitar a contratación das prestacións a persoas maiores nos centros de atención de Trabada e Ribadeo, cuxo proceso se estenderá ata o primeiro semestre do ano próximo.
O prazo de presentación das ofertas estará aberto ata o día 7 de xaneiro de 2019, mentres que a súa apertura será o día 11 de febreiro de 2019. Tal e como recolle o anuncio de licitación publicado na plataforma de contratación do Sector Público o pasado día 4 de decembro, o valor estimado do contrato ascende a 4.711.716,1 euros e o seu prazo de execución estenderase do 20 de xuño de 2019 ao 20 de xuño de 2022.
Os populares advirten que as datas recollidas no anuncio de licitación deixan claro que as residencias de maiores da Deputación de Lugo non abrirán as súas portas este ano, pese aos anuncios feitos polo presidente de que estarían en funcionamento en 2018, “nin tan sequera no primeiro semestre do 2019”. “Unha vez máis enganan aos cidadáns, méntenlle aos nosos maiores para repetir a foto diante dunhas residencias que levan pechadas desde o 2015, data na que inauguraron a maior parte delas”.
Privatízanse os centros
Desde o Grupo Provincial do PP critican ademais que o Goberno que dirixe o socialista Darío Campos vaia privatizar o servizo como así demostra a licitación da contratación das prestacións a persoas maiores nos centros de atención de Trabada e Ribadeo que veñen de ser publicadas, pese a ter manifestado que a xestión sería pública.
O PP precisa que non se opón a este tipo de xestión, pero explica que o PSOE sempre avogou pola xestión pública e agora optan por un modelo que alonga os prazos de apertura e incrementa os custos do servizo.
A contratación inclúe servizos xeriátricos, servizos de asistencia social e servizos conexos, así como servizos de centros de día. Nos pregos de prescricións técnicas explícase que a adxudicataria contará con todo o persoal necesario, en número suficiente para garantir a prestación efectiva, tendo en conta as substitucións, descansos, permisos, licenzas, vacacións, baixas, así como as disposicións legais vixentes en materia de prestacións sociais, laboral e seguridade social, sen que o mesmo teña ningún tipo de relación ou vinculación laboral coa Deputación de Lugo.
A adxudicataria, recolle o texto do prego, ocuparase do traslado e acompañamento aos centros sanitarios e consultas hospitalarias, será responsable da limpeza e hixiene das instalacións, a recollida de residuos e dispensarán as comidas, entre outras funcións.
Enlace da licitación:
https://contrataciondelestado.es/wps/portal/!ut/p/b0/DcqxCoAgEADQr2m-poigwcGl0aHSJQ496ugyDRH6-xofPHCwgotYecfCd0T5bQNREo7nEKigCG3Cngv6P8ACDhwHXQUsmXxwaVrV9cR6emaT5X7VOEK6LvUBHXrPtA!!/
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
