Nota de Prensa
Grupo Popular tamén propiciou outro acordo unánime para un maior control no tocante á verificación do cumprimento das condicións sociolaborais nas que desenvolve a súa actividade a flota de palangre de superficie
O PPDEG POSIBILITA UN ACORDO PARLAMENTARIO PARA VALORAR OS DANOS E BUSCAR A FORMULA MAIS AXEITADA PARA ARTELLAR AXUDAS AO SECTOR PESQUEIRO POLO TEMPORAL DO MES DE XANEIRO
* Para o voceiro de Mar do Grupo Popular, José Manuel Balseiro, “non podemos cometer o mesmo erro de xestión que o ocorrido co Klaus no que se habilitaron partidas que foron insuficientes”
* Balseiro Orol contrastou na súa intervención a “pronta reacción e dedicación” da Conselleira do Mar coa falta de interese de Carmen Gallego con respecto as riadas do 2006
* PPdeG é favorable a habilitar unha liña de axudas aos damnificados polo temporal unha vez cuantificadas as perdas
Santiago de Compostela, 19 de febreiro de 2010.- O PPdeG posibilitou hoxe o acordo na Comisión de Pesca e Marisqueo do Parlamento co fin de valorar os danos e buscar a formula mais axeitada para artellar axudas ao sector pesqueiro, marisqueiro e mexilloeiro damnificado polos efectos dos temporais sufridos en xaneiro de 2010 na nosa Comunidade. Para o voceiro do Mar do Grupo Popular, José Manuel Balseiro “non podemos cometer os mesmos erros de xestión que no Klaus no que se habilitaron partidas que resultaron insuficientes”. Na iniciativa final aprobada, consensuada por todos os grupos, tamén se engadiu que se fora preciso as axudas foran de caracter económico, financeiro e social.
Balseiro indicou na súa intervención que o temporal do pasado mes “puxo de relevo unha forma ben distinta de actuar” e contrastou a “pronta reacción e dedicación” da Conselleira do Mar, poñéndose en contacto cos representantes das zonas afectadas dende primeira hora e mobilizando todo un operativo de Gardacostas e Portos de Galicia , coa falta de interese e “desaparición do mapa de Carmen Gallego” respecto das riadas do 2006.
O voceiro do Mar defendeu habilitar as axudas facendo un uso eficiente dos recursos, realizando unha valoración previa dos danos, ver os bens afectados e cuantificar as perdas. O PPdeG tamén é favorable a habilitar unha liña de axudas aos damnificados polo temporal unha vez cuantificadas as perdas.
FLOTA DE PALANGRE DE SUPERFICIE
O Grupo Popular tamén propiciou un acordo unánime para una maior control no tocante á verificación do cumprimento das condicións sociolaborais nas que desenvolve a súa actividade a flota de palangre de superficie. Neste sector habitualmente os titulados náutico pesqueiros galegos son substituídos progresivamente por traballadores foráneos, cando chegan a portos estranxeiros, sen o mínimo control por parte das delegacións consulares españolas.
Os populares consensuaron con nacionalistas e socialistas un acordo final no que lograron introducir a través da transacción dunha emenda un emprazamento as delegacións do Ministerio de Asuntos Exteriores para que emitan as instrucións oportunas dirixidas a consulados e embaixadas. A idea final, segundo indicou o voceiro do Mar do PPdeG, é que estes organismos realicen un maior control no momento do despacho dos buques, verificando o número de tripulantes españois que permanecen no barco, na entrada e na saída do porto, e o relativo ás cotizacións a seguridade social, salarios, titulacións e xornadas laborais.
O PPdeG tamén introduciu no acordo final unha referencia para que o Consello Galego de Relacións Laborais intermedie entre sindicatos e organizacións patronais do sector de palangre de superficie ao obxecto de impulsar un convenio colectivo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
