Lugo, 12 de febreiro de 2019.O Deputado de Turismo Eduardo Vidal puxo en valor este martes en Compostela, no marco do FAIRWAY, III Forum do Camiño de Santiago, a enorme importancia territorial das rutas de peregrinación e a influencia da provincia de Lugo en milleiros de peregrinos que acceden a Galicia por algunha das 4 grandes rutas xacobeas que atravesan practicamente a metade dos Concellos desta provincia.
O Deputado de Turismo foi o encargado da presentación oficial da provincia de Lugo no que é o encontro profesional máis importante sobre rutas xacobeas; punto de encontro entre axentes, institucións, empresas e demais profesionais vencellados ao Camiños de Santiago. Desde o pasado domingo e ata o martes 12 de febreiro, a Deputación ten presenza cun stand neste importante encontro turístico coa fin de promocionar os itinerarios xacobeas que atravesan a provincia de Lugo: o Camiño Francés, o Camiño Primitivo, o Camiño do Norte e o Camiño de Inverno e os todos recursos patrimoniais, gastronómicos e histórico-culturais da provincia.
Vidal Baamonde destacou que “a provincia de Lugo é a gran porta de entrada a Galicia de milleiros de peregrinos cada ano. Conta con máis de 800 km de itinerarios xacobeos que discorren por 30 dos seus 67 concellos. Practicamente, a metade do territorio lucense está atravesado por algunha das 4 rutas xacobeas recoñecidas oficialmente -Camiños Francés, Primitivo, do Norte e o de Inverno-. En Fairway queremos continuar impulsando estes itinerarios xacobeos e dar a coñecer toda a riqueza cultural, histórica e gastronómica dos nosos concellos polas que discorren”.
O Deputado de Turismo anunciou que “3 novos camiños alternativos xa están sendo investigados e documentados para un posible recoñecemento oficial no futuro: o Camiño do Mar pola Mariña lucense; a Vía Regia del Norte ou Camiño de Abres a Lugo por Meira, e a Vía Künig que segue o mesmos itinerario que fixo un monxe alemán aló polo ano 1495. Sen dúbida, os camiños xacobeos constitúen un importante impulso económico e cultural para a provincia”.
Camiños pola provincia
Os peregrinos do Camiño Francés poden descubrir no pintoresco pobo das pallozas de O Cebreiro imaxes icónicas da Galicia interior. Aquí se idearon as imaxes do símbolo universal das frechas amarelas da man do seu antigo párroco Elías Valiña, orixinario de Sarria e considerado como gran revitalizador do Camiño. Un lucense que devolveu o esplendor ao Camiño cando nos anos 80 emprendeu a sinalización do Camiño Francés pintando de cor amarelo sinais ao longo de todo o camiño conseguindo impulsalo atraendo a millóns de peregrinos a Galicia.
Aqueles que realizan o Camiño Primitivo, ao seu paso pola cidade de Lugo, poden percorrer a muralla, un monumento que segue conservando íntegro o seu perímetro, circunstancia que o fai único no mundo. Os que deciden empregar o Camiño do Inverno, poden coñecer a Ribeira Sacra o lugar de maior concentración de románico rural de Europa e a súa viticultura heroica. E os peregrinos do Camiño do Norte poden descubrir unha das praias máis fermosas do mundo, a monumental xoia Praia das Catedrais.
O Deputado explicou que o Goberno provincial continúa promovendo accións que impulsen os Camiños do Santiago. De feito, a Deputación constituíu a primeira Mesa Provincial dos Camiños de Santiago facéndoa participativa e multidisciplinar para definir as necesidades de cara a celebración do Xacobeo 2021. Tamén, vén de ser realizado un FAMTRIP polo Camiño do Norte, para potencialo como alternativa ao Camiño Francés e ideal para viaxeiros que foxen de masificacións e buscan vivir experiencias máis auténticas e con maior conexión coa poboación local.
3 novas vías alternativas
A Deputación de Lugo tamén está a investigar e documentar 3 novas rutas para un posible recoñecemento oficial no futuro que atraian a máis visitantes á provincia. O Camiño do Mar, que transcorre en paralelo ao Cantábrico atravesando toda a Mariña lucense por paisaxes costeiros e vilas mariñeiras de Ribadeo, Foz, Burela, e Viveiro; a Vía Regia del Norte ou Camiño de Abres a Lugo por Meira, que atravesa os municipios de A Pontenova, Riotorto, Meira, A Pastoriza, Pol, Castro de Rei e converxe en Lugo co Camiño Primitivo; e o terceiro, a Vía Künig que segue o mesmo itinerario realizado por un monxe alemán do ano 1495 polos Concellos de Pedrafita, As Nogais, Becerreá, Baralla e O Corgo.
A Provincia de Lugo, a gran porta de entrada dos peregrinos a Galicia
Ano tras ano, a provincia de Lugo convértese na vía de entrada de miles de peregrinos. Máis de 800 km de rutas xacobeas atravesan á provincia ao confluír nela catro Camiños diferentes: o Camiño Francés desde O Cebreiro ata Palas de Rei, o Camiño do Norte desde Ribadeo ata Baamonde, o Camiño Primitivo desde A Fonsagrada ata San Romao da Retorta e o Camiño de Inverno, desde Quiroga ata Rodeiro.
O Concello lucense de Sarria continúa sendo o primeiro lugar escollido polos peregrinos como lugar de comezo para a realizar o seu Camiño de Santiago segundo os datos da ‘Oficina de Acogida al Peregrino del Arzobispado de Santiago’. En 2018, foron ao redor duns 90.000 peregrinos os que escolleron esta localidade da provincia de Lugo como punto de partida cara a Compostela.
A Deputación recibiu o pasado domingo, da man da Fundación Orde do Camiño do Santiago, a Gran Placa ao Mérito Turístico polo apoio que a institución provincial presta aos concellos e asociacións vencelladas ás 4 rutas xacobeas que atravesan a provincia así como pola dinamización que desde o Goberno provincial se está a facer para impulsar os Camiños de Santiago.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
