Ribadeo 18-2-19. Pola mañá visitaron a exposición sobre Castelao do Museo do Gaiás, parándose especialmente no cadro “a derradeira leición do mestre”, homenaxe de Castelao ao “seu amigo e intelectual Alexandre Bóveda, que foi fusilado na Caeira, en Poio, o 17 de agosto de 1936. No cadro represéntase o asasinato de Bóveda e o intento do fascismo por aniquilar o nacionalismo galego.” (Galipedia).
Visitáronse, asemade, os diferentes edificios da Cidade da Cultura.
A medio día subiuse ao Pico Sacro, lugar cheo de historia e lendas, e desde o que se pode contemplar moito máis aló do Val do Ulla.
Pola tarde visitouse o Pórtico da Gloria e o Museo da Catedral, lugar, este, onde están gardados os túmulos dalgúns dos reis do Reino de Galiza, aínda que rotulados, non se explica porqué, como reis de León.
Desde a Agrupación Cultural Francisco Lanza queremos facer unha crítica á xestora destes espazos (a Catedral de Santiago) por non empregar practicamente en ningún documento o galego, e non ser posíbel facer ningunha xestión con eles neste idioma.
46 persoas viaxaron este sábado a Santiago para coñecer o cadro de Castelao “a derradeira leición do mestre” e o Pórtico da Gloria despois da súa restauración, nunha viaxe organizada pola Agrupación Cultural Francisco Lanza
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comeza este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
