Burela, a 10 de abril de 2019.- O candidato do PP á alcaldía de Burela, Manuel Rouco, di que “descoñezo ata que punto lle pode aportar confianza aos veciños e veciñas de Burela o actual alcalde, Alfredo Llano, cando incumpriu sistematicamente nos últimos catro anos todas e cada unha das promesas electorais que esgrimiu no seu día para acadar a alcaldía de Burela”.
Rouco agarda que “as referencias que pretende aportar o señor Llano en Burela non sexan as da súa vocación de traballo” porque “precisamente destaca entre a cidadanía pola ausencia da mesma”.
Así mesmo, o alcaldable popular sinala que “o rexedor do PSOE segue a facer anuncios rocambolescos nos medios de comunicación ou incluso fala dun remanente de tesourería”. A este respecto, Rouco especifica que “xa había un remanente de case que 1,5 millóns de euros no Concello cando o Partido Popular deixou a alcaldía tras catro anos repoñéndonos en Burela da débeda salvaxe do bipartito PSOE-BNG do mandato 2007-2011”.
Rouco explica que “se existe realmente ese remanente de tesourería hai fórmulas para poñelo a funcionar de forma parcial. Igual é que o señor Llano o ignora ou que considere que os veciños e veciñas de Burela non son merecedores de que ese remanente se utilice”. Incluso tamén cre o popular na opción de que “ese remanente realmente non exista”.
Diminución do orzamento municipal
“O que si é certo é que este ano o Concello de Burela foi un dos poucos da comarca da Mariña que veu diminuído o seu orzamento con respecto ao ano pasado”, engadiu o candidato do PP á alcaldía. Segundo explica “isto xa o están a padecer tódolos veciños e veciñas tódolos días”. De feito, “as asociacións de Burela xa viron reducidas as aportacións municipais que viñan percibindo na época do Partido Popular”. Concretamente, “a asociación de comerciantes recibía entón 18.000 euros fronte aos 10.000 euros que lle foron asignados este ano”.
“Escapar cara ao Senado”, unha “estratexia” coñecida en Burela
No tocante ás lexítimas ambicións do señor Llano para deixar Burela en mans do señor Fernández Rey e escapar cara ao Senado, se os veciños e veciñas o estiman oportuno no seu día, o popular lémbralle que “esta estratexia non é nova para a xente de Burela. Senón que llo pregunten ao señor Roberto Álvarez e ao señor Ismael Rego”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
