Muras. 18, abril, 2019. O Partido Popular de Muras de vén de completar a candidatura coa que concorrerá ás eleccións municipais do vindeiro 26 de maio con Eugenia Requeijo como cabeza de lista.
A popular avanzou que Alberto Díaz e Jesús Trastoy ocuparán os número 2 e 3, respectivamente, da lista popular aos comicios municipais de Muras. Tamén forman parte da candidatura coa que o PP pretende recuperar a alcaldía do municipio Luis Carballido, Sandra Trastoy, Fernando Carballido e Jaime Lázaro.
Os ataques do lobo, un problema para os veciños
Eugenia Requeijo asegura que os frecuentes ataques do lobo ás cabezas de gando bovino e equino no municipio preocupan aos veciños e veciñas que teñen como principal sustento a actividade gandeira. A popular asegura que “o lobo causa importantes perdas” e, polo tanto, avanza que dende o Goberno local os populares estudarán a forma de establecer axudas en función da especie que sufriu o dano e como suplemento ás que xa concede o Goberno da Xunta ante as solicitudes de compensación.
Entre as medidas que recollerá o programa co que os populares concorren ás eleccións municipais atópanse outras de calado para os veciños e veciñas como aquela que pretende favorecer a concentración privada de fincas entre os propietarios.
Medidas prioritarias
A maiores os populares avanzan que axudarán a aquelas empresas, autónomos ou emprendedores que se queiran asentar en Muras. Concretamente, a candidata asegura que “facilitaremos a apertura dunha Casa do Maior, que apoia a Xunta, e que permitiría ás familias contar cun servizo de atención diúrna aos nosos maiores”.
Outra das actuacións que consideran prioritaria é a implantación da traída de auga para a parroquia de A Balsa e a mellora e ampliación das traídas de Irixoa e Carelle. Así mesmo, o Goberno local ocuparase do arranxo de camiños públicos e estradas, ante o mal estado que presentan moitos deles.
Son, segundo destaca a candidata, as principais liñas estratéxicas do seu programa que buscan, precisa, “atender aquelas necesidades máis urxentes e prioritarias do noso Concello”, así como asentar poboación tendo en conta as necesidades dos máis desfavorecidos.
Candidatura
Mª Eugenia Requeijo Chao
Alberto Díaz Díaz
Jesús Trastoy Camba
Luis Carballido Orosa
Sandra Trastoy Chao
Fernando Carballido Amor
Jaime Lázaro Vidal
Suplentes:
Elías García Rubiños
Juan Antonio Tojeiro Pita
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
